Xalq deputatlari Payariq tumani Kengashi

35 yil

Yagona vatan, yagona xalq bo'lib, yangi hayot va kelajak yaratamiz!

Yangiliklar

So‘ngi yangiliklar

Xalq deputatlari Payariq tumani Kengashining navbatdagi 31-sessiyasida viloyat Kengashi deputatlari Nurmatova Nilufar Ziyadullayevna hamda Norboyeva Sohiba Otakulovnalar ishtirok etishdilar.

Qishloq xo‘jaligida sug‘oriladigan maydonlardan yanada samarali foydalanish, foydalanishdan chiqqan yerlarni qayta foydalanishga kiritish hamda sug‘oriladigan yerlarning qishloq xo‘jaligi oborotidan chiqib ketishining sabablarini aniqlash va oqibatlarini bartaraf etish bo‘yicha tumanda amalga oshirilayotgan ishlar to‘g‘risida tuman hokimining o‘rinbosari M.Alibekovning hisoboti muhokama qilindi.

Xalq deputatlari tuman Kengashi sessiyasida O‘zbekiston Respublikasi Prezidentining 2026-yil 16-fevraldagi PF-22-sonli Farmoni ijrosi bo‘yicha tumanda amalga oshirilayotgan ishlar yuzasidan tuman hokimi o‘rinbosari E.Mamadiyorovning hisoboti muhokama qilindi.

Xalq deputatlari tuman Kengashi sessiyasida 12-Yangiobod saylov okrugi deputati N.Parmanova tomonidan maktabgacha ta’lim tashkilotlarini “Ilk qadam” dasturi doirasida zarur jihozlar bilan ta’minlash masalasi ko‘tarildi.

Xalq deputatlari tuman Kengashi sessiyasida Agrar, qurilish, kommunal sohalar, ekologiya, sanoat va transport masalalari bo‘yicha doimiy komissiya raisi B.Shakarov tomonidan tumandagi 32-maktab va 36 -maktabgacha ta’lim tashkilotida suv ta’minoti hamda elektr energiyasi bilan bog‘liq muammolar mavjudligi yuzasidan masala ko‘tarildi.

Xalq deputatlari Payariq tumani Kengashi kotibiyati mudiri J.Axunov tomonidan Javshar ota mahallasida hokim yordamchisi bilan uchrashib, hududda aholini qo‘llab-quvvatlash, ularning bandligini ta’minlash va daromadini oshirish bo‘yicha amalga oshirilayotgan ishlar muhokama qilindi.

Tuman hokimining o‘rinbosari E.Mamadiyorovning hisoboti yuzasidan savol berildi

Xalq deputatlari Payariq tumani Kengashining 10-Darvishiq saylov okrugidan saylangan deputati A.Maxammatov tomonidan fuqaroga oilaviy tadbirkorlikni yo‘lga qo‘yish va mavjud imkoniyatlardan foydalanish bo‘yicha tushuncha berildi.

Xalq deputatlari Payariq tumani Kengashining 10-Darvishiq saylov okrugidan saylangan deputati A.Maxammatov tomonidan navbatdagi sessiya kun tartibiga kiritilgan masala yuzasidan Kambag‘allikni qisqartirish va bandlikka ko‘maklashish bo‘limi rahbarining aholini doimiy va vaqtincha bandlikka jalb etish, kasb-hunarga o‘qitish va qayta tayyorlash, shuningdek, kambag‘al va ishsiz fuqarolarni bandlikka yo‘naltirish borasidagi faoliyati o‘rganildi.

Agrar, qurilish, kommunal sohalar, ekologiya, sanoat va transport masalalari bo‘yicha doimiy komissiya raisi B.Shakarov hamda tuman hokimligi qurilish va uy-joy kommunal xo‘jaligi bo‘limi bosh mutaxassisi J.Bekanov tomonidan Farovon mahallasidagi yo‘lda olib borilayotgan qurilish ishlari o‘rganildi.

🏛 Deputatning yillik hisoboti: Ochiqlik va shaffoflik sari muhim qadam!

Hurmatli saylovchilar! Xalq deputatlari o‘z saylov okruglarida amalga oshirgan ishlari yuzasidan aholiga muntazam ravishda hisobot berib boradilar. Bu jarayon quyidagi tartibda tashkil etiladi:

📊 Asosiy bosqichlar:
1.      Reja va muddat: Kengash tomonidan tasdiqlangan maxsus grafik asosida belgilanadi.
2.      OAV va e'lonlar: Uchrashuv vaqti va manzili hokimlik rasmiy sahifalari hamda mahalliy matbuotda oldindan e'lon qilinadi.
3.      Mahalla va jamoatchilik: Mahalla idoralari e'lonlar taxtasiga bildirishnomalar ilinib, faollar ko‘magida aholiga xabar yetkaziladi.
4.      Raqamli tarmoqlar: Deputatning Telegram kanali va ijtimoiy tarmoqlarida hisobotlar infografika hamda video shaklida berib boriladi.
5.      Ochiq uchrashuvlar: Mahalla markazlari va maktablarda yuzma-yuz muloqotlar o‘tkazilib, fuqarolarning savollariga javob beriladi.

💬 Deputat faoliyatining asosiy mezoni — xalq roziligi va muammolarning amaldagi yechimidir!

📲 Batafsil ma'lumot yuqoridagi infografikada keltirilgan.