Bugun Boysun tumani hokimi B.Shukurov boshchiligida Mahallalarni “Yangi O‘zbekiston qiyofasi”ga keltirish bo‘yicha Gaza mahallasida O‘zbekiston Respublikasi Prezidenti Sh.M.Mirziyoyev raisligida o‘tkazilgan videoselektor yig‘ilishida belgilab berilgan vazifalar ijrosini ta’minlash, hududda olib borilayotgan amaliy ishlar tuman Kengashi deputatlari, mahalla yettiligi rahbarlari, faollar, yoshlar ishtirokida o‘rganildi.

☑️O‘rganish jarayonida kambag‘allikni qisqartirish va aholi daromadlarini oshirish, bandlikni ta’minlash, xonadonlarning daromad manbalarini ko‘paytirish, tadbirkorlik va tashabbuslarni qo‘llab-quvvatlash borasida amalga oshirilayotgan ishlar tahlil qilindi.
☑️ Shuningdek, mahallada obodonlashtirish va ko‘kalamzorlashtirish, hududlarni tartibga keltirish, ko‘cha va yo‘laklarning tozaligi, sanitariya holatini yaxshilash, chiqindilarni belgilangan tartibda chiqarish hamda atrof-muhitni ozoda saqlash masalalariga alohida e’tibor qaratildi.
☑️ Aholi uchun qulay va munosib yashash sharoitlarini yaratish, mavjud muammolarni aniqlash va ularni bartaraf etish yuzasidan mas’ullarga tegishli topshiriq va ko‘rsatmalar berildi.

📈 Tadbir doirasida mahalla fuqarolari ishtirokida “Sog‘lom hayot uchun sog‘lomlashtiruvchi yurish” marafoni ham tashkil etildi.

✅ Mazkur marafon orqali aholining jismoniy faolligini oshirish, sog‘lom turmush tarzini targ‘ib qilish, yurish va muntazam harakatlanishning inson salomatligi uchun muhimligini keng targ‘ib etishga e’tibor qaratildi.