Xalq deputatlari Payariq tumani Kengashi

35 yil

Yagona vatan, yagona xalq bo'lib, yangi hayot va kelajak yaratamiz!

Yangiliklar

So‘ngi yangiliklar

Xalq deputatlari Payariq tumani Kengashining navbatdagi 31-sessiyasida viloyat Kengashi deputatlari Nurmatova Nilufar Ziyadullayevna hamda Norboyeva Sohiba Otakulovnalar ishtirok etishdilar.

Qishloq xo‘jaligida sug‘oriladigan maydonlardan yanada samarali foydalanish, foydalanishdan chiqqan yerlarni qayta foydalanishga kiritish hamda sug‘oriladigan yerlarning qishloq xo‘jaligi oborotidan chiqib ketishining sabablarini aniqlash va oqibatlarini bartaraf etish bo‘yicha tumanda amalga oshirilayotgan ishlar to‘g‘risida tuman hokimining o‘rinbosari M.Alibekovning hisoboti muhokama qilindi.

Xalq deputatlari tuman Kengashi sessiyasida O‘zbekiston Respublikasi Prezidentining 2026-yil 16-fevraldagi PF-22-sonli Farmoni ijrosi bo‘yicha tumanda amalga oshirilayotgan ishlar yuzasidan tuman hokimi o‘rinbosari E.Mamadiyorovning hisoboti muhokama qilindi.

Xalq deputatlari tuman Kengashi sessiyasida Agrar, qurilish, kommunal sohalar, ekologiya, sanoat va transport masalalari bo‘yicha doimiy komissiya raisi B.Shakarov tomonidan tumandagi 32-maktab va 36 -maktabgacha ta’lim tashkilotida suv ta’minoti hamda elektr energiyasi bilan bog‘liq muammolar mavjudligi yuzasidan masala ko‘tarildi.

Xalq deputatlari tuman Kengashi sessiyasida 12-Yangiobod saylov okrugi deputati N.Parmanova tomonidan maktabgacha ta’lim tashkilotlarini “Ilk qadam” dasturi doirasida zarur jihozlar bilan ta’minlash masalasi ko‘tarildi.

Xalq deputatlari Payariq tumani Kengashi kotibiyati mudiri J.Axunov tomonidan Javshar ota mahallasida hokim yordamchisi bilan uchrashib, hududda aholini qo‘llab-quvvatlash, ularning bandligini ta’minlash va daromadini oshirish bo‘yicha amalga oshirilayotgan ishlar muhokama qilindi.

Tuman hokimining o‘rinbosari E.Mamadiyorovning hisoboti yuzasidan savol berildi

Xalq deputatlari Payariq tumani Kengashining 10-Darvishiq saylov okrugidan saylangan deputati A.Maxammatov tomonidan fuqaroga oilaviy tadbirkorlikni yo‘lga qo‘yish va mavjud imkoniyatlardan foydalanish bo‘yicha tushuncha berildi.

Xalq deputatlari Payariq tumani Kengashining 10-Darvishiq saylov okrugidan saylangan deputati A.Maxammatov tomonidan navbatdagi sessiya kun tartibiga kiritilgan masala yuzasidan Kambag‘allikni qisqartirish va bandlikka ko‘maklashish bo‘limi rahbarining aholini doimiy va vaqtincha bandlikka jalb etish, kasb-hunarga o‘qitish va qayta tayyorlash, shuningdek, kambag‘al va ishsiz fuqarolarni bandlikka yo‘naltirish borasidagi faoliyati o‘rganildi.

Agrar, qurilish, kommunal sohalar, ekologiya, sanoat va transport masalalari bo‘yicha doimiy komissiya raisi B.Shakarov hamda tuman hokimligi qurilish va uy-joy kommunal xo‘jaligi bo‘limi bosh mutaxassisi J.Bekanov tomonidan Farovon mahallasidagi yo‘lda olib borilayotgan qurilish ishlari o‘rganildi.

Xalq deputatlari Yangihayot tumani Kengashining 34-sessiyasi bo‘lib o‘tdi

#sessiya #poytaxtdeputatlari #deputatlik_faoliyati

❗️Xalq deputatlari Yangihayot tumani Kengashining 34-sessiyasi bo‘lib o‘tdi

🏛 Xalq deputatlari Yangihayot tumani Kengashining navbatdagi 34-sessiyasi bo‘lib o‘tdi. Unda Xalq deputatlari Toshkent shahar Kengashi deputati Suhrob Saifnazarov ham faol ishtirok etib, kun tartibiga kiritilgan dolzarb masalalar yuzasidan muhokamalarda qatnashdi.

🔺 Sessiyada “Tashabbusli budjet” jarayonining 2026-yil ikkinchi mavsumida “Ochiq budjet” axborot portali orqali g‘olib deb topilgan loyihalarning manzilli ro‘yxatini tasdiqlash hamda ularni moliyalashtirish uchun mablag‘larni yo‘naltirish masalasi ko‘rib chiqildi.

🏫 Shuningdek, Yangihayot tumani maktabgacha va maktab ta’limi tizimida amalga oshirilgan ishlar va kelgusidagi ustuvor vazifalar, kuz-qish mavsumiga tayyorgarlik ko‘rish va uni betalafot o‘tkazish, shuningdek, tumanda “Soyali sayr ko‘chasi”ni barpo etish masalalari yuzasidan tuman hokimi o‘rinbosarlari hamda tegishli tashkilot rahbarlarining hisobotlari tinglandi.

💰 Sessiya davomida tuman mahalliy budjetining 2026-yildagi qo‘shimcha manbalari mablag‘larini tegishli xarajatlarga yo‘naltirish, tadbirkorlik subyektlari bilan tuzilgan shartnomalar asosida chiqindilarni olib chiqish va hududlarni obodonlashtirish xizmatlari uchun tariflarni tasdiqlash bilan bog‘liq masalalar ham deputatlar tomonidan atroflicha muhokama qilindi.

💬 Toshkent shahar Kengashi deputati Suhrob Saifnazarov ham kun tartibidagi masalalar yuzasidan o‘z fikr va takliflarini bildirib, hudud infratuzilmasini yaxshilash, aholi uchun qulay shart-sharoitlar yaratish hamda belgilangan vazifalarning samarali ijrosini ta’minlash masalalariga e’tibor qaratdi.

✅ Sessiya yakunida kun tartibiga kiritilgan masalalar yuzasidan tegishli qarorlar qabul qilinib, ularning ijrosini ta’minlash bo‘yicha mas’ullarga vazifalar belgilandi.

📱 Telegram 📱 Instagram 📱 Facebook 📱 YouTube 🔎 E-kengash

Slide 1 of 10