#162_ta_qonun_ijrosi

Bandixon tumanida deputatlik nazorati: Tuman Elektr tarmoqlari korxonasida korrupsiyaga qarshi kurashish bo‘yicha Qonun ijrosi tahlil qilindi

Bandixon tumanida energetika va kommunal xizmat ko‘rsatish sohalarida shaffoflikni ta’minlash, korrupsiyaviy omillar va xavf-xatarlarning oldini olish hamda amaldagi qonunchilik hujjatlari ijrosini monitoring qilish borasida tizimli deputatlik nazorati amalga oshirilmoqda.

Xalq deputatlari Bandixon tuman Kengashining Korrupsiyaga qarshi kurashish va xavfsizlik masalalari bo‘yicha doimiy komissiyasi raisi O.Jumayev, komissiya a’zosi B.Yo‘ldoshev hamda tuman Kengashi kotibiyati bosh mutaxassisi E.Eshonqulov 2026-yilga mo‘ljallangan ish rejasiga muvofiq Bandixon tuman Elektr tarmoqlari korxonasida nazorat-tahlil tadbirini o‘tkazishdi.

O‘rganish jarayonida O‘zbekiston Respublikasining “Korrupsiyaga qarshi kurashish to‘g‘risida”gi O‘RQ–419-sonli Qonuni talablarining ijro etilishi, xizmat ko‘rsatish jarayonlarida ochiqlik va shaffoflikni ta’minlash, moddiy-texnik resurslardan unumli va manzilli foydalanish hamda iste’molchilar murojaatlari bilan ishlash holati atroflicha ko‘rib chiqildi.

Tashrif yakunida korxona rahbariyati va mas’ul xodimlariga korrupsiyaviy xavf-xatarlarni barvaqt aniqlash va bartaraf etish hamda qonunchilik me’yorlariga qat’iy rioya qilish bo‘yicha tegishli amaliy vazifalar belgilab berildi.