O‘zbekiston Respublikasi Prezidentining 2023-yil 21-dekabrdagi PF-209-son Farmoniga muvofiq, mahallalarda “Mahalla yettiligi” faoliyati samaradorligini oshirish hamda yoshlar bilan ishlash tizimini takomillashtirish yuzasidan o‘rganishlar davom etmoqda.Xalq deputatlari Parkent tuman Kengashi deputati, 11-“Qo‘lichi” saylov okrugidan saylangan Yoqubov Farxod Maxkamovich tomonidan deputatlik nazorati doirasida “Qo‘lichi”
mahalla fuqarolar yig‘inida faoliyat yuritayotgan yoshlar yetakchisi Azimov Shuxrat Komiljon o‘g‘lining faoliyati o‘rganildi.O‘rganish davomida yoshlar yetakchisi tomonidan “Yoshlar daftari”ga kiritilgan yoshlarni
qo‘llab-quvvatlash, ularning bandligini ta’minlash, kasb-hunarga yo‘naltirish hamda ijtimoiy muammolarini hal etish borasida amalga oshirilayotgan ishlar tahlil qilindi.Jumladan, joriy yil boshidan buyon 10 nafar yoshning bandligi ta’minlangani, 1 nafar yosh kasb-hunarga o‘qitilgani, 5 nafar yoshga subsidiya asosida asbob-uskunalar olib berilgani qayd etildi. Shuningdek, 2 nafar yoshga tadbirkorlik faoliyatini boshlashi uchun jami 150 mln so‘m miqdorida imtiyozli kredit ajratilgani ma’lum qilindi.O‘rganish yakunida deputat tomonidan yoshlar bilan ishlash samaradorligini yanada oshirish,yoshlarning bandligini ta’minlash, ularni kasb-hunarga yo‘naltirish hamda tadbirkorlik tashabbuslarini qo‘llab-quvvatlash borasidagi ishlarni izchil davom ettirish yuzasidan tegishli tavsiya va takliflar bildirildi.