Xalq deputatlari Payariq tumani Kengashi

35 yil

Yagona vatan, yagona xalq bo'lib, yangi hayot va kelajak yaratamiz!

Yangiliklar

So‘ngi yangiliklar

Xalq deputatlari Payariq tumani Kengashining Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi yig‘ilishida Payariq tumanida “Tashabbusli budjet” jarayonining 2026-yil 2-mavsumi yakunlariga ko‘ra openbudget.uz portalida g‘olib deb topilgan loyihalarni tasdiqlash hamda moliyalashtirish masalasi muhokama qilindi.

O‘zbekistonda xotin-qizlarning huquq va qonuniy manfaatlarini himoya qilish, ularning jamiyatdagi o‘rnini mustahkamlash hamda oilada tenglik va adolat tamoyillarini ta’minlashga qaratilgan keng ko‘lamli qonunchilik islohotlari amalga oshirilmoqda.

Xalq deputatlari Payariq tumani Kengashi Agrar, qurilish, kommunal sohalar, ekologiya, sanoat va transport masalalari bo‘yicha doimiy komissiyasi kotibi F.Shakarov tomonidan “Hududiy elektr tarmoqlari” AJ tuman bo‘limi boshlig‘ining hisoboti yuzasidan nazorat-tahlil tadbiri o‘tkazildi.

Xalq deputatlari Payariq tumani Kengashining 23-Pong saylov okrugidan saylangan deputati M.Nurmanova tomonidan navbatdagi sessiya kun tartibiga kiritilgan masala yuzasidan maktabgacha ta’lim tashkiloti tarbiyachilari bilan yaqindan suhbatlashildi.

Xalq deputatlari Payariq tumani Kengashining tegishli qaroriga asosan, “Turon” yakka kurashi bo‘yicha yuqori natijalarga erishib, tuman, viloyat va respublika miqyosidagi musobaqalarda munosib ishtirok etib kelayotgan sportchi o‘quvchi-yoshlarni rag‘batlantirish va taqdirlash maqsadida 41 600 000 so‘m mablag‘ yo‘naltirildi.

Xalq deputatlari Payariq tumani Kengashi kotibiyati mudiri J.Axunov tomonidan Toxirshayx mahallasida hududni rivojlantirish dasturi doirasida amalga oshirilayotgan ishlarning ijrosi joyiga chiqib o‘rganildi.

Xalq deputatlari Payariq tumani Kengashining 2026-yil 26-avgustdagi “Payariq tumani budjetining qo‘shimcha manbalari hisobidan mablag‘larni yo‘naltirish to‘g‘risida”gi VII-30-90-7-100-K/26-sonli qarori tasdiqlandi.

Xalq deputatlari Payariq tumani Kengashining 13-O‘zbekiston saylov okrugidan saylangan deputati F.Shakarov tomonidan deputatlik faoliyati yuzasidan axborot berildi.

Xalq deputatlari Payariq tumani Kengashining 3-Paxtakor saylov okrugidan saylangan deputati M.Musurmanov tomonidan Guliston mahallasida fuqaro bilan uchrashuv o‘tkazilib, unga davlat uy-joy fondini xususiylashtirish tartibi hamda bu boradagi huquq va majburiyatlari yuzasidan huquqiy tushuntirish berildi.

Xalq deputatlari Payariq tumani Kengashining 16-Mustaqillik saylov okrugidan saylangan deputati M.Kazakova tomonidan G‘oyib ota mahallasida istiqomat qiluvchi fuqaroning elektr ta’minoti bilan bog‘liq murojaati o‘rganildi.

Navbatdagi sessiya kun tartibiga kiritilgan masala yuzasidan

DOYIMIY KOMISSIYA YIG'ILISHI O'TKAZILDI.

Xalq deputatlari Angor tumani Kengashining navbatdagi sessiyasi kun tartibiga kiritilgan “Tumanda “Ayollar daftari”ning 7-bosqichiga kiritilgan xotin-qizlarning muammolarini hal etish bo‘yicha individual dasturlarda belgilangan chora-tadbirlar ijrosini ta’minlash borasida amalga oshirilgan ishlar to‘g‘risida”gi masala yuzasidan Ijtimoiy soha, yoshlar siyosati, madaniyat va sport masalalari bo‘yicha doimiy komissiya yig‘ilishi o‘tkazildi.

Yig‘ilishda doimiy komissiya a’zolari ishtirok etib, “Ayollar daftari”ning 7-bosqichiga kiritilgan xotin-qizlarning muammolarini manzilli o‘rganish, ularni hal etish bo‘yicha individual dasturlarda belgilangan vazifalar ijrosi atroflicha muhokama qilindi.

Yig‘ilishda Angor tumani Oila va xotin-qizlar bo‘limi boshlig‘i Muqaddas Normurodovaning hisoboti doimiy komissiyada tinglandi. Hisobot davomida xotin-qizlarning bandligini ta’minlash, tadbirkorlik faoliyatini yo‘lga qo‘yish, ularga ijtimoiy va moddiy ko‘mak ko‘rsatish, mavjud muammolarni o‘rganish hamda ularni bartaraf etish borasida amalga oshirilgan ishlar haqida ma’lumot berildi.

Doimiy komissiya a’zolari tomonidan taqdim etilgan ma’lumotlar muhokama qilinib, belgilangan chora-tadbirlarning o‘z vaqtida va sifatli bajarilishini ta’minlash, muammolarni joyiga chiqqan holda o‘rganish hamda xotin-qizlarga ko‘rsatilayotgan amaliy yordam samaradorligini yanada oshirish yuzasidan tegishli taklif va tavsiyalar bildirildi.
Yig‘ilish yakunida mazkur masalani navbatdagi sessiyada ko‘rib chiqishga tayyorlash yuzasidan tegishli xulosalar shakllantirildi.

Slide 1 of 2