2016-yildan bugungi kungacha erishilgan tarixiy natijalar va tumanimiz yoshlari hayotidagi tub o‘zgarishlar.Yangi O‘zbekistonni barpo etishning poydevori, shubhasiz, uchinchi Renessans poydevorini qo‘yishga qodir bilimli va intellektual salohiyatli yoshlardir. Shu bois, mamlakatimizda 2016-yildan e’tiboran oliy ta’lim tizimini tubdan isloh qilish, uni zamon talablariga moslashtirish va yoshlarni oliy ta’lim bilan qamrab olish ko‘rsatkichini keskin oshirish davlat siyosatining eng ustuvor yo‘nalishiga aylandi.

Tarixiy sakrash: 9 foizdan 42 foizdan ziyodga Agar yaqin tarixga — 2016-yilga nazar tashlasak, mamlakatimizda maktab, litsey va kollej bitiruvchilarining bor-yo‘g‘i 9 foizigina oliy ta’lim muassasalariga o‘qishga kirish imkoniyatiga ega edi. Bu juda ko‘plab iqtidorli va bilimli yoshlarning oliy ma’lumot olish, o‘z salohiyatini to‘la namoyon etish yo‘lidagi katta g‘ov edi.

Bugun esa vaziyat tubdan o‘zgardi. Davlatimiz rahbari shaffof va ochiq tizim yaratish, OTMlar sonini ko‘paytirish hamda qabul kvotalarini kengaytirish bo‘yicha dadil islohotlarni amalga oshirdi. Natijada, oliy ta’lim bilan qamrab olish darajasi 2016-yildagi 9 foizdan bugungi kunga kelib 42 foizdan oshdi. Yaqin yillarda bu ko‘rsatkichni 50 foizga yetkazish bo‘yicha aniq marralar belgilangan.

Fakt va Raqamlar (2016–2026-yillar)
Qamrov darajasi: 9 foizdan 42 foizdan oshdi.
- OTMlar soni: 77 tadan 210 tadan oshdi.
- Xotin-qizlar ulushi: Magistratura va grantlar hisobidan keskin oshdi.
 - Masofaviy va sirtqi ta’lim: Yuz minglab yoshlarga qo‘shimcha imkoniyat berdi.

OTMlar soni va sifat o‘zgarishlari
So‘nggi yillarda respublikamizda oliy ta’lim muassasalari soni 77 tadan 210 tadan oshdi. Ular orasida dunyoning nufuzli xorijiy universitetlarining filiallari, xususiy ta’lim muassasalari hamda yangi davlat universitetlari mavjud. Ta’lim yo‘nalishlarida kunduzgi shakl bilan birga sirtqi, kechki va masofaviy ta’lim shakllari yo‘lga qo‘yilgani ishlayotgan va chekka hududlardagi yoshlar uchun ham oliy ma’lumot olish eshiklarini keng ochdi.

Xotin-qizlar ta’limiga alohida e’tibor
Islohotlarning eng insonparvar va ta’sirchan yo‘nalishlaridan biri — xotin-qizlarning oliy ta’lim olishini qo‘llab-quvvatlash bo‘ldi. Qizlar uchun alohida davlat grantlari ajratilishi, mutaxassisligi bo‘yicha kamida 5 yil stajga ega xotin-qizlarga ajratilgan kvotalar hamda eng muhimi — davlat OTMlarining magistratura bosqichida o‘qiyotgan barcha xotin-qizlarning kontrakt to‘lovlari davlat budjeti hisobidan to‘lab berilishi yuz minglab oilalarga quvonch va imkoniyat olib kirdi.

Xalq deputatlari Angor tumani Kengashi 9-Ulug'bek saylov okrugi deputati Sultonova O'g'iloy Nabiyevna