Xalq deputatlari Bag‘dod tumani Kengashining “3-Olchin” saylov okrugi deputati A.Ubaydullayev hamda Kengash Kotibiyati bosh mutaxassisi A.Ismoilovlar tomonidan “Cho‘lyunus” mahalla fuqarolar yig‘inining “Guzar” ko‘chasida navbatdagi ko‘chama-ko‘cha o‘rganish ishlari olib borildi.

O‘rganish davomida mazkur ko‘cha infratuzilmasi ko‘zdan kechirilib, ko‘chaboshi I.Tojiyev bilan muloqot qilinganda, “Guzar” ko‘chasining 500 metr qismini asfaltlashtirish zarurligini bildirdi.

Mazkur ko‘chada 62-sonli davlat maktabgacha ta’lim tashkiloti hamda 31-sonli umumiy o‘rta ta’lim maktabi joylashgan. Ko‘cha yo‘lining holatini yaxshilash maqsadida aholi tomonidan hashar yo‘li bilan shag‘al yotqizilgan bo‘lsa-da, yog‘ingarchilik kunlarida hududda harakatlanish uchun noqulayliklar yuzaga kelmoqda. Shu bois, ko‘chaning 500 metr qismini asfaltlashtirish nafaqat aholi uchun qulaylik yaratadi, balki maktab o‘quvchilari va maktabgacha ta’lim tashkiloti tarbiyalanuvchilarining turli ob-havo sharoitlarida ta’lim muassasalariga xavfsiz va bemalol qatnab kelishlarini ta’minlashga xizmat qiladi.

Aniqlangan mazkur masala deputatning "Ko‘chama-ko‘cha aylanish" daftariga qayd etilib, tegishli dasturlar orqali ijrosini ta’minlash maqsadida deputat nazoratiga olindi.