Xalq deputatlari Sardoba tumani Kengashi deputati S.Abduvaliyeva tomonidan “Navro'z” mahallasida fuqarolar bilan uchrashuv oʻtkazilib, aholi murojaatlari atroflicha oʻrganildi. Mazkur muloqot davomida fuqarolarni qiynayotgan ijtimoiy, iqtisodiy va maishiy masalalar tinglanib, ularning mazmun-mohiyati chuqur tahlil qilindi.
Uchrashuvda, ayniqsa, ijtimoiy himoya, ish bilan ta'minlash, moddiy yordam, kommunal xizmatlar va infratuzilmani yaxshilashga oid masalalarga alohida e'tibor qaratildi. Fuqarolar tomonidan bildirilgan har bir murojaat yuzasidan amaldagi qonunchilik doirasida tushuntirishlar berildi hamda muammolarni hal etish boʻyicha aniq chora-tadbirlar belgilab olindi.
🗯Shuningdek, ayrim masalalarni joyida hal etish imkoni yaratildi, qoʻshimcha oʻrganish talab etuvchi murojaatlar esa tegishli tashkilotlarga yoʻnaltirildi. Ushbu uchrashuv aholi bilan ochiq muloqotni ta'minlash, ularning dardu tashvishlariga yechim topish va ijtimoiy barqarorlikni mustahkamlashga xizmat qildi.