O‘rganish davomida maktabda o‘quvchilar uchun yaratilgan shart-sharoitlar bilan bir qatorda, yangi o‘quv yiliga tayyorgarlik jarayonida e’tibor qaratishni talab etadigan qator masalalar ham aniqlandi.

Jumladan, maktabning sport zalida havo almashish tizimi mavjud emasligi, sport zalidagi suv ta’minoti tizimi asosiy suv tarmog‘iga ulanmagani ma’lum bo‘ldi. Shuningdek, maktab hududiga o‘rnatilgan quyosh panellari hali ishga tushirilmagani aniqlandi.

Bundan tashqari, maktabning isitish tizimining asosiy qurilmalari atrofini o‘rash holati belgilangan xavfsizlik talablariga to‘liq javob bermasligi ham o‘rganish davomida qayd etildi.

Aniqlangan mazkur muammolar o‘quvchilar uchun xavfsiz va qulay shart-sharoitlarni ta’minlash, ta’lim muassasasini yangi o‘quv yiliga puxta tayyorlash nuqtayi nazaridan muhim ahamiyatga ega.

Shu bois aniqlangan kamchilik va muammolar deputatning ko‘cha aylanish daftariga qayd etildi hamda ularni bartaraf etish masalasi deputatlik nazoratiga olindi.

Mazkur o‘rganish ishlari 2020-yil 23-sentabrdagi O‘RQ-637-son “Ta’lim to‘g‘risida”gi Qonuni talablari, shuningdek, o‘quvchilar hayoti va salomatligi uchun xavfsiz hamda munosib ta’lim sharoitlarini yaratish tamoyillaridan kelib chiqqan holda olib borildi.

Deputat R. Madaminov tomonidan aniqlangan masalalarning mas’ul tashkilotlar bilan hamkorlikda hal etilishi, maktabning yangi o‘quv yiliga tayyorgarlik holati esa keyingi deputatlik nazorati jarayonlarida qayta ko‘rib chiqilishi belgilandi.