📚 “Iste’mol krediti to‘g‘risida”gi Qonun ijrosi o‘rganiladi

Xalq deputatlari tuman Kengashi kotibiyatida O‘zbekiston Respublikasining “Iste’mol krediti to‘g‘risida”gi Qonuni ijrosini joylarga chiqib o‘rganishga tayyorgarlik ishlari olib borildi.
🔎 Qonun ijrosini tizimli o‘rganish maqsadida qonun talablari asosida 10 ta savoldan iborat maxsus so‘rovnoma ishlab chiqilib, o‘rganish obyektlari belgilab olindi.
📋 So‘rovnomada iste’mol kreditlarini ajratish shartlari, fuqarolarga kredit haqida to‘liq va haqqoniy axborot berilishi, kredit shartnomalarining qonuniyligi, foiz va qo‘shimcha to‘lovlar, iste’molchilar huquqlarini himoya qilish, murojaatlar hamda muammoli qarzdorlik kabi muhim masalalar qamrab olingan.
👥 Mas’ullar:
🔹 X. Xojidinov — Mahalliy budjet, tadbirkorlikni rivojlantirish va iqtisodiy islohotlar bo‘yicha doimiy komissiya raisi o‘rinbosari;
🔹 Sh. Xo‘janazarov — Xalq deputatlari tuman Kengashi kotibiyati bosh mutaxassisi.
🤝 Yig‘ilishda tuman Adliya bo‘limi boshlig‘i R. Berdiyev, deputatlar M. Madarqulov, N. Himmatova, I. Nuriddinov, K. Xashimova, shuningdek, tegishli tuman tashkilotlari, jumladan, soliq va bank tizimi vakillari hamda Xalq deputatlari tuman Kengashi kotibiyati xodimlari ishtirok etdi.
📍 Navbatdagi bosqichda belgilangan obyektlarga joyiga chiqqan holda, ishlab chiqilgan so‘rovnoma asosida qonun ijrosi o‘rganiladi.
🎯 Asosiy maqsad — qonun talablarining amalda qay darajada ta’minlanayotganini aniqlash, mavjud muammolarni o‘rganish va ularni bartaraf etish bo‘yicha amaliy takliflar ishlab chiqish.
📌 Keyingi postlarimizda joylarga chiqib o‘rganish jarayoni va aniqlangan holatlar haqida batafsil ma’lumot berib boramiz.

Xalq deputatlari Sherobod tumani Kengashi kotibiyati matbuot xizmati.