Xalq deputatlari Bekobod shahar kengashining 20-“Tinchlik” saylov okrugidan saylangan deputat O‘zXDP a’zosi A.Ismatovga biriktirilgan “Tinchlik” mahallasidagi hokim yordamchisi faoliyatini kengash kotibiyatini bosh
mutaxassisi U.Abdunazarov tomonidan o‘rganish ishlari olib borildi. Mazkur mahallada 2245 aholi 745 xonadonda istiqomat qiladi. Shulardan 2026-yil boshiga 62 nafari ishsiz fuqarolar ro‘yxatga olingan bo‘lib, bugunga kunga qadar 54 nafari doimiy va o‘zini o‘zi band qilish hamda imtiyozli kredit olishi hisobiga tadbirkorligini boshlab, bandligi ta’minlangan. Shuningdek, mahalladagi kambagal oila a’zolarining 6 nafarini doimiy ishga joylashtirildi hamda 6 nafar doimiy daromad manbaiga ega bo‘lmagan ishsiz aholini kasb-hunar va tadbirkorlikka o‘qitildi hamda Sertifikatlar berildi. Migratsiyadan qaytgan 2 nafar fuqarolar bilan gaplashilib, o‘zini o‘zi band qilindi. Mahalladagi 14 nafar fuqarolarga imtiyozli kredit ajratildi va ish bilan band qilindi. Bo‘sh turgan bino-inshootlar va yer maydonlarini aniqlab, ularni belgilangan tartibda auksion savdolariga chiqarish bo‘yicha jami 4 ta joy auksionga chikarilgan. Hozirgi kunda ishsizlik darajasi 1,2 foizni va kambag‘alik darajasi 3,4 foizni tashkil qiladi. O‘rganish davomida mahallani iqtisodiy rivojlanish biznes rejasini ishlab chiqish va amalga oshirish yuzasidan tegishli tavsiyalar berildi.