Sessiya oldidan masalalar o‘rganildi

Xalq deputatlari Bo‘zatov tumani Kengashining navbatdagi sessiyasi kun tartibiga kiritilgan masalalarni puxta tayyorlash maqsadida Bo‘zatov tumani Ichki ishlar bo‘limida sessiya oldi o‘rganish ishlari olib borildi.
Kengashi kotibiyati mudiri A.Ibragimov tomonidan kun tartibiga kiritilgan masala, tuman Ichki ishlar bo‘limi boshlig‘i o‘rinbosari, jamoat xavfsizligi xizmati boshlig‘i A.Allamuratov tarafidan 6 oy davomida amalga oshirilgan ishlari yuzasidan tegishli hujjatlar, hisob-kitoblar va taqdim etilgan ma’lumotlar atroflicha ko‘rib chiqildi.
Xususan, Bo‘zatov tumani mahalliy byudjetining 2026-yil 1-yanvar holatiga aniqlangan erkin qoldiq mablag‘lari hisobidan ajratiladigan mablag‘larning sarflanish yo‘nalishlari yuzasidan o‘rganish olib borilib, mablag‘larni amaldagi qonunchilik talablariga muvofiq, maqsadli va samarali yo‘naltirish masalalari muhokama qilindi.
O‘rganish jarayonida taqdim etilgan ma’lumotlarning amaldagi qonunchilik talablariga muvofiqligi, ko‘rsatkichlarning asoslanganligi hamda sessiyada muhokama qilinadigan masalalarning mazmun-mohiyati yuzasidan atroflicha tahlil qilindi.
Shuningdek, aniqlangan ayrim masalalar bo‘yicha qo‘shimcha ma’lumotlar va izohlar olish, hujjatlarni to‘ldirish hamda sessiyaga sifatli tayyorlash yuzasidan tegishli tavsiyalar berildi.
Mazkur sessiya oldi o‘rganish ishlari xalq deputatlari tuman Kengashi sessiyasida ko‘rib chiqiladigan masalalarning har tomonlama puxta tayyorlanishi, qabul qilinadigan qarorlarning asosli va samarali bo‘lishini ta’minlashga xizmat qiladi.