“Аёллар дафтари” доирасида амалга оширилаётган ишлар таҳлил қилинди

Халқ депутатлари Конимех туман Кенгашининг депутати, Ижтимоий соҳа, ёшлар сиёсати, маданият ва спорт масалалари бўйича доимий комиссияси аъзоси Нармуратова Кунсулу ҳамда Кенгаш котибияти бош мутахассиси Гулзода Умарова туман Оила ва хотин-қизлар бўлимида бўлиб, туман туман Кенгашининг  2026 йил 5 июндаги VII-25-65-5-70-К/26-сонли «“Еттинчи босқич” доирасида “Аёллар дафтари”га 1372 нафар хотин-қизни киритиш ҳамда “Аёллар дафтари”га киритилган хотин-қизларнинг муаммоларини ҳал этиш ва уларни ижтимоий-иқтисодий қўллаб-қувватлаш бўйича “Йўл харитаси”ни тасдиқлаш тўғрисида»ги қарори ижроси юзасидан амалга оширилаётган ишлар билан яқиндан танишдилар.

Ташриф давомида масъуллар томонидан қарор ижросини таъминлаш, “Аёллар дафтари”га киритилган хотин-қизларнинг муаммоларини ўрганиш, уларни ижтимоий-иқтисодий қўллаб-қувватлаш ҳамда белгиланган чора-тадбирларнинг амалга оширилиши юзасидан олиб борилаётган ишлар муҳокама қилинди.