#deputat_faoliyati
#biriktirilgan_tashkilot
#162_ta_Qonun
#nazorat_tahlil

Biriktirilgan tashkilot faoliyati va qonun ijrosi o‘rganildi

Xalq deputatlari Qiziriq tumani Kengashi deputati U.Yangiboyev biriktirilgan tashkilot bilan ishlash yo‘nalishi bo‘yicha Qiziriq tumani Adliya bo‘limiga tashrif buyurib, bo‘lim tomonidan aholiga ko‘rsatilayotgan huquqiy xizmatlar, jismoniy va yuridik shaxslarning murojaatlari bilan ishlash tizimi, huquqiy targ‘ibot tadbirlari hamda qonunchilik hujjatlari ijrosini ta’minlash borasida amalga oshirilayotgan ishlar bilan tanishdi.

O‘rganish davomida murojaatlarni o‘z vaqtida va sifatli ko‘rib chiqish, fuqarolarga huquqiy yordam ko‘rsatish, davlat xizmatlari sifati hamda huquqiy madaniyatni yuksaltirish bo‘yicha olib borilayotgan ishlar yuzasidan mas’ullar bilan fikr almashildi.

Shuningdek, O‘zbekiston Respublikasining 2017-yil 11-sentabrdagi “Jismoniy va yuridik shaxslarning murojaatlari to‘g‘risida”gi O‘RQ–445-son Qonuni ijrosi yuzasidan tayyorlangan savolnoma asosida nazorat-tahlil tadbiri o‘tkazildi. O‘rganish jarayonida murojaatlarni qabul qilish, ularni belgilangan muddatlarda ko‘rib chiqish, ijro intizomi hamda murojaatlar bilan ishlashning qonuniyligi yuzasidan amalga oshirilayotgan ishlar atroflicha tahlil qilindi.

O‘rganish yakunida aniqlangan holatlar yuzasidan tegishli tavsiya va takliflar berilib, qonun ijrosini ta’minlash hamda murojaatlar bilan ishlash samaradorligini yanada oshirish bo‘yicha monitoring ishlari davom ettirilishi qayd etildi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram