✅ Deputatlik nazorati: PQ–141-son qarori ijrosi joyiga chiqib o‘rganildi

🏛 Xalq deputatlari Sherobod tumani Kengashi kotibiyati mudiri O. Tursunov, Xalq deputatlari Sherobod tumani Kengashining 19-Sherobod saylov okrugi deputati A. Choriyev hamda hamda Kengash kotibiyati bosh mutaxassisi Sh. Xo‘janazarov tomonidan Xalq deputatlari Sherobod tumani Kengashining 11-Chuqurko‘l saylov okrugi deputati T. Shodiyev saylov okrugiga qarashli "Chuqurko‘l" mahallasida deputatlik nazorati olib bordi.

🔹 Nazorat davomida O‘zbekiston Respublikasi Prezidentining 2024-yil 28-martdagi PQ–141-sonli "Islom taraqqiyot banki ishtirokida “Qishloq joylarni kompleks rivojlantirish” (2-bosqich) loyihasini amalga oshirish chora-tadbirlari to‘g‘risida"gi qarori ijrosi doirasida olib borilayotgan ishlar ko‘zdan kechirildi.

🌿 Xususan, "Chuqurko‘l" mahallasining sug‘orish tizimini yaxshilash maqsadida daryo qirg‘oqlarini 550 metr masofada betonlash ishlari o‘rganilib, qurilishning sifati, belgilangan muddatlarga rioya etilishi hamda loyiha talablarining bajarilishi yuzasidan mas’ullarga tegishli tavsiya va ko‘rsatmalar berildi.

✅ Ta’kidlanganidek, bunday deputatlik nazoratlari hududlarda amalga oshirilayotgan bunyodkorlik va infratuzilma loyihalarining samarali hamda sifatli bajarilishini ta’minlash, aholining manfaatlarini himoya qilish va mavjud muammolarni o‘z vaqtida bartaraf etishga xizmat qiladi.