Xalq deputatlari Shirin shahar Kengashi deputati D.Azizbayeva tomonidan shahar sport maktabi faoliyati o‘rganildi. O‘rganish davomida sport maktabida yoshlar va bolalar uchun yaratilgan shart-sharoitlar, sport mashg‘ulotlarining belgilangan tartibda tashkil etilishi, sport to‘garaklariga yoshlarni jalb qilish holati hamda mashg‘ulotlarning samaradorligi ko‘rib chiqildi.

Shuningdek, sport maktabida faoliyat olib borayotgan sport to‘garaklari, ularga jalb etilgan yoshlar soni, murabbiylar tomonidan olib borilayotgan mashg‘ulotlar jarayoni hamda yoshlarning sport turlariga bo‘lgan qiziqishlari o‘rganildi. Sport mashg‘ulotlarini olib borish uchun mavjud bo‘lgan sport zallari va maydonlarining holati, sport anjomlari va jihozlarining mavjudligi hamda ulardan samarali foydalanish darajasiga alohida e’tibor qaratildi.

O‘rganish jarayonida yoshlarning bo‘sh vaqtlarini mazmunli tashkil etish, ularni sport bilan muntazam shug‘ullanishga keng jalb etish, sog‘lom turmush tarzini targ‘ib qilish, yoshlar o‘rtasida sport musobaqalarini muntazam tashkil etish hamda iqtidorli sportchilarni aniqlash va qo‘llab-quvvatlash borasida amalga oshirilayotgan ishlar tahlil qilindi.

Bundan tashqari, sport maktabida tarbiyalanuvchilarning mashg‘ulotlarga qatnashish davomati, sport musobaqalarida ishtirok etishi va erishayotgan natijalari bilan ham tanishildi. Yosh sportchilarning mahoratini oshirish, ularning shahar, viloyat va respublika miqyosidagi sport musobaqalarida munosib ishtirok etishini ta’minlash bo‘yicha amalga oshirilayotgan ishlar muhokama qilindi.

O‘rganish yakunida sport maktabi faoliyatini yanada takomillashtirish, mavjud sport inshootlari va jihozlaridan samarali foydalanish, yoshlarni sportga keng jalb etish, sport to‘garaklari qamrovini oshirish hamda yoshlar o‘rtasida sog‘lom raqobat muhitini shakllantirish yuzasidan tegishli tavsiya va takliflar bildirild