Xalq deputatlari Payariq tumani Kengashi

35 yil

Yagona vatan, yagona xalq bo'lib, yangi hayot va kelajak yaratamiz!

Yangiliklar

So‘ngi yangiliklar

Xalq deputatlari Payariq tumani Kengashining 2-Dehqonobod saylov okrugidan saylangan deputati S.Maxkamov Juvozxona mahallasida bo‘lib, mahalla raisi bilan birgalikda hududda o‘rnatilgan quyosh panellarining ishlash holati va ulardan foydalanish samaradorligini joyida o‘rgandi.

Xalq deputatlari Payariq tumani Kengashining Korrupsiyaga qarshi kurashish, davlat organlarida ochiqlikni ta’minlash va huquqiy masalalar bo‘yicha doimiy komissiyasi a’zosi O‘.Omonov tomonidan “Beshqo‘rg‘on” mahallasidagi 16-son umumta’lim maktabida kuz-qish mavsumiga tayyorgarlik ishlari joyida o‘rganildi.

Xalq deputatlari Payariq tumani Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi raisi M.Nurmanova hamda Yoshlar maslahat guruhi a’zosi F.O‘ktamov tomonidan Ahmad Yassaviy mahallasida amalga oshirilayotgan avtomobil yo‘lini rekonstruksiya qilish ishlari joyiga chiqib o‘rganildi.

Xalq deputatlari Payariq tumani Kengashi kotibiyati mudiri J.Axunov kunlik ish rejasiga muvofiq, tuman Kengashi deputati O‘.Omonov bilan birgalikda Beshqo'rg'on mahallasida joylashgan 15-sonli umumta’lim maktabida amalga oshirilayotgan ishlar hamda belgilangan dasturlar ijrosi bilan yaqindan tanishdi.

Xalq deputatlari Payariq tumani Kengashining Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi raisi A.Maxammatov tomonidan 4-maktabda olib borilayotgan qurilish ishlari joyiga chiqib o‘rganildi.

Xalq deputatlari Payariq tumani Kengashining 6-Farovon saylov okrugidan saylangan deputati N.Ochilova tomonidan Go‘zal mahallasida fuqarolar bilan uchrashuv o‘tkazilib, ularning murojaat va takliflari o‘rganildi.

Xalq deputatlari Payariq tumani Kengashining 2-“Dehqonobod” saylov okrugidan saylangan deputati Maxkamov Sobir Tuxtamishovich tomonidan tumandagi 54-son umumta’lim maktabida yangi 2026–2027-o‘quv yiliga tayyorgarlik ishlari o‘rganildi.

Xalq deputatlari Payariq tumani Kengashining 8-O‘rtato‘sin saylov okrugidan saylangan deputati B.Shakarov tomonidan G‘allakor mahallasida profilaktika inspektorlari bilan birgalikda Kengashning navbatdagi sessiyasi kun tartibiga kiritilgan 2026-yil II choragida huquqbuzarliklarning oldini olish va ularning profilaktikasi holati yuzasidan tuman Ichki ishlar bo‘limi boshlig‘i hisobotiga oid masalalar yuzasidan o‘rganish olib borildi.

Xalq deputatlari Payariq tumani Kengashi deputati Z.Turdiyev tomonidan 9-Botmon saylov okrugi hududida istiqomat qiluvchi fuqarolar bilan uchrashuv o‘tkazilib, ularning taklif va murojaatlari tinglandi.

Xalq deputatlari Payariq tumani Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi yig‘ilishida O‘zbekiston Respublikasi Vazirlar Mahkamasining 2025-yil 6-yanvardagi 1-sonli “Davlat maktabgacha ta’lim tashkilotlarida sog‘lom ovqatlantirish tartibini takomillashtirish chora-tadbirlari to‘g‘risida”gi qarori hamda davlat maktabgacha ta’lim tashkilotlarida bolalar hayoti va sog‘lig‘ini muhofaza qilish, umumiy xavfsizlik talablariga rioya etilishi holati yuzasidan masala muhokama qilindi.

#deputat_nazorati #nazorat_taxhlil

Hududlarda amalga oshirilayotgan ishlar deputatlar nazoratida

Xalq deputatlari Marg‘ilon shahar Kengashi tomonidan shaharni ijtimoiy-iqtisodiy rivojlantirish dasturida belgilangan vazifalar ijrosini ta’minlash, amalga oshirilayotgan loyihalarning samaradorligini o‘rganish va fuqarolar uchun yaratilayotgan shart-sharoitlarni baholash bo‘yicha nazorat tadbirlari olib borilmoqda.

Shu maqsadda, Xalq deputatlari Marg‘ilon shahar Kengashi kotibiyat mudiri A.Ermatov hamda kotibiyat bosh mutaxassislari Z.Yakubova va N.Akbarova tomonidan Kengash qarorlari ijrosi yuzasidan joyiga chiqqan holda o‘rganish ishlari olib borildi.

O‘rganish davomida Marg‘ilon shahrini 2026-yilda ijtimoiy-iqtisodiy rivojlantirish bo‘yicha dasturini tasdiqlash to‘g‘risidagi Xalq deputatlari Marg‘ilon shahar Kengashining 2026-yil 7-fevraldagi VII-19-9-11-168-K/26-son qarori ijrosi doirasida Teraktagi mahalla fuqarolar yig‘ini Eshonguzar ko‘chasida amalga oshirilayotgan joriy ta’mirlash ishlari ko‘zdan kechirildi.

Mazkur hududdagi uzunligi 2,4 kilometr bo‘lgan yo‘l qismida loyiha qiymati 7 milliard 210 million so‘mni tashkil etuvchi ta’mirlash ishlari olib borilmoqda.
O‘rganish jarayonida bajarilayotgan ishlarning sifati, belgilangan loyiha talablariga muvofiqligi hamda ishlarning borishi yuzasidan mas’ullar bilan fikr almashildi.

Deputatlar va Kengash kotibiyati vakillari tomonidan hududdagi mavjud holat o‘rganilib, ishlarni sifatli yakunlash, belgilangan muddatlarga rioya etish hamda aholi uchun qulay va xavfsiz yo‘l infratuzilmasini yaratish bo‘yicha tegishli tavsiyalar berildi.

Xalq deputatlari Marg‘ilon shahar Kengashi tomonidan bunday o‘rganishlar hududlarda amalga oshirilayotgan loyihalar ustidan jamoatchilik va deputatlik nazoratini kuchaytirish, aholi murojaatlarida ko‘tarilayotgan masalalarni amaliy hal etishga qaratilgan holda muntazam davom ettiriladi.

Slide 1 of 7