🛣 Yo‘l qurilishi ishlari deputat nazoratida

🏛 Xalq deputatlari Sherobod tumani Kengashining 16-Katta hayot–Do‘stlik saylov okrugi deputati T. Mirzayev hamda Kengash kotibiyati bosh mutaxassisi S. Safarov ishtirokida "Do‘stlik" mahallasida amalga oshirilayotgan yo‘l qurilishi ishlari joyiga chiqib o‘rganildi.

📜 O‘rganish O‘zbekiston Respublikasi Prezidentining 2025-yil 27-dekabrdagi "2026–2028-yillarda O‘zbekiston Respublikasining ijtimoiy va ishlab chiqarish infratuzilmasini rivojlantirish chora-tadbirlari to‘g‘risida"gi PQ–393-son qarori ijrosi doirasida olib borildi.

🚧 Xususan, Sherobod tumani markazidan o‘tuvchi 4R-23J avtomobil yo‘lining 0–6-kilometrlari oralig‘ida asfalt qoplamasini yotqizish ishlarining borishi ko‘zdan kechirilib, qurilish-montaj ishlari sifati va belgilangan muddatlarda bajarilishi yuzasidan nazorat amalga oshirildi.

✅ Amalga oshirilayotgan infratuzilma loyihalari hududda transport qatnovi qulayligini oshirish, aholiga yanada munosib sharoit yaratish hamda yo‘l harakati xavfsizligini ta'minlashga xizmat qiladi.