Xalq deputatlari Marg‘ilon shahar Kengashi kotibiyat mudiri A.Ermatov, kotibiyat bosh mutaxassisi N.Akbarova ishtirokida Korrupsiyaga qarshi kurashish va xavfsizlik masalalari bo‘yicha doimiy komissiya raisi X.Abdurahmonovga biriktirilgan tashkilot — Marg‘ilon shahar Ichki ishlar bo‘limi Yo‘l harakati xavfsizligi bo‘limida o‘rganish ishlari amalga oshirilmoqda.

Mazkur o‘rganishlar O‘zbekiston Respublikasining 2024-yil 19-yanvardagi O‘RQ-900-sonli “Yo‘l harakati to‘g‘risida”gi Qonuni ijrosini ta’minlash, yo‘l harakati xavfsizligi sohasida amalga oshirilayotgan ishlar samaradorligini baholash hamda hududlarda mavjud muammo va kamchiliklarni aniqlash maqsadida tashkil etilmoqda.

O‘rganish jarayonida Xalq deputatlari Marg‘ilon shahar Kengashining Korrupsiyaga qarshi kurashish va xavfsizlik masalalari bo‘yicha doimiy komissiyasi huzurida tuzilgan ishchi guruh tomonidan Yo‘l harakati xavfsizligi bo‘limining qonun ijrosini ta’minlash borasidagi faoliyati, profilaktik tadbirlarning tashkil etilishi, yo‘l-transport hodisalarining oldini olish, fuqarolar xavfsizligini ta’minlash hamda tegishli me'yoriy-huquqiy hujjatlar talablariga rioya etilishi yuzasidan kompleks tahlillar olib boriladi.

Shuningdek, aniqlangan holatlar yuzasidan tegishli taklif va tavsiyalar ishlab chiqilib, qonun hujjatlari ijrosini yanada samarali tashkil etish, yo‘l harakati xavfsizligini mustahkamlash hamda mavjud muammolarni bartaraf etish bo‘yicha mas'ul tashkilotlarga tegishli tavsiyalar berilishi belgilanadi.

Xalq deputatlari Marg‘ilon shahar Kengashi tomonidan doimiy komissiyalar faoliyati doirasida olib borilayotgan bunday o‘rganishlar davlat organlari faoliyati ustidan deputatlik nazoratini kuchaytirish, qonunlar ijrosini ta’minlash va fuqarolar uchun xavfsiz hamda qulay muhit yaratishga xizmat qiladi.