Xalq deputatlari Payariq tumani Kengashi

35 yil

Yagona vatan, yagona xalq bo'lib, yangi hayot va kelajak yaratamiz!

Yangiliklar

So‘ngi yangiliklar

Xalq deputatlari Payariq tumani Kengashi kotibiyati mudiri J.Axunov hamda 1-Do‘stlik saylov okrugidan saylangan deputat O‘.Omonov tomonidan Oqtosh mahallasida joylashgan 19-sonli umumiy o‘rta ta’lim maktabida yangi o‘quv yiliga tayyorgarlik ishlari o‘rganildi.

Xalq deputatlari Payariq tumani Kengashining so‘roviga asosan Davlat kadastrlari palatasi Payariq tuman filiali tomonidan Juvozxona mahallasida fuqaro Kubaev Yusuf Muzaffarovichning yer uchastkasi chegaralarini aniqlash yuzasidan o‘rganish ishlari olib borildi.

Xalq deputatlari Payariq tumani Kengashining 10-Darvishiq saylov okrugidan saylangan deputati A. Maxammatov tomonidan Javshar ota mahallasida fuqarolarning murojaatlari o‘rganildi.

Doimiy komissiya qarorida jinoyat sodir etish ko'rsatkichlari o‘tgan yilning mos davriga nisbatan oshganligi ko'rsatib o'tildi

Xalq deputatlari Payariq tumani Kengashi kotibiyati mudiri J.Axunov hamda 1-Do‘stlik saylov okrugidan saylangan deputat O‘.Omonov tomonidan Oqtosh mahallasida joylashgan oilaviy poliklinikada o‘rganish ishlari olib borildi

Xalq deputatlari Payariq tumani Kengashining 1-Do‘stlik saylov okrugidan saylangan deputati O‘.Omonov tomonidan Oqtosh mahallasida joylashgan 8-son oilaviy poliklinikada amalga oshirilayotgan obodonlashtirish ishlari joyiga chiqib o‘rganildi.

Payariq tumanida 2026-yilning II choragi davomida huquqbuzarliklarning oldini olish va ularning profilaktikasi holati yuzasidan amalga oshirilgan ishlar bo‘yicha tuman ichki ishlar bo‘limi boshlig‘i G‘.Islomovning hisoboti to‘g‘risidagi masala ko‘rib chiqildi va qaror qabul qilindi.

Xalq deputatlari Payariq tumani Kengashining 2-Dehqonobod saylov okrugidan saylangan deputati S.Maxkamov tomonidan fuqarolar bilan uchrashuv o‘tkazildi.

Xalq deputatlari Payariq tumani Kengashining 17-Tomoyrot saylov okrugidan saylangan deputati X.Xudayberdiyeva hamda tuman Kengashi bosh mutaxassisi N.Jazilov tomonidan Ilg‘or mahallasida joylashgan 75-sonli umumiy o‘rta ta’lim maktabida yangi o‘quv yiliga tayyorgarlik doirasida amalga oshirilayotgan obodonlashtirish ishlari joyiga chiqib o‘rganildi.

Xalq deputatlari Payariq tumani Kengashining Agrar, suv xo‘jaligi va ekologiya masalalari bo‘yicha doimiy komissiyasi raisi B.Shakarov hamda tumani Qurilish va uy-joy kommunal xo‘jaligi bo‘limi bosh mutaxassisi tomonidan Farovon ko‘chasida olib borilayotgan qurilish ishlari joyiga chiqib, o‘rganish ishlari amalga oshirildi.

Deputatlik faoliyatida manfaatlar to‘qnashuvi va korrupsiyaga qarshi kurashish

Xalq deputatlari viloyat, tuman va shahar Kengashi deputatlarining Namunaviy odob-axloq qoidalari deputatlik faoliyatida xolislik, halollik va shaffoflikni ta'minlash hamda korrupsiyaning oldini olishga alohida e'tibor qaratadi.

📌 34-bandga ko‘ra, deputat o‘z faoliyatida manfaatlar to‘qnashuviga yo‘l qo‘ymasligi, har qanday vaziyatda beg‘araz va xolis bo‘lishi shart.

Agar Kengash sessiyasi, doimiy komissiya yoki partiya guruhi majlisida deputatning o‘zi yoki uning yaqin qarindoshlari shaxsiy manfaatdor bo‘lgan masala ko‘rib chiqilayotgan bo‘lsa, deputat bu haqda majlisga raislik qiluvchini darhol xabardor qilishi lozim. Bunday holatlarda manfaatlar to‘qnashuvining oldini olish maqsadida raislik qiluvchi deputatning mazkur masala muhokamasida so‘zga chiqish huquqini cheklashi mumkin.

35-bandga muvofiq, deputat o‘z vakolatlarini jismoniy yoki yuridik shaxslar manfaatlarini ko‘zlab bajarishi yoki bajarmasligi evaziga ulardan har qanday sovg‘a olishi taqiqlanadi.

Biroq deputat:

Kengash qarori asosida alohida xizmatlari uchun;
musobaqa va tanlovlarda erishgan yutuqlari uchun;
davlat bayramlari va boshqa rasmiy tadbirlar munosabati bilan;
xizmat safarlari, xalqaro yoki xorijiy delegatsiyalar ishtirokidagi rasmiy tadbirlar davomida sovg‘alar olishi mumkin.

Shu bilan birga, xizmat safari yoki xalqaro rasmiy tadbirlar davomida olingan sovg‘aning qiymati bazaviy hisoblash miqdorining to‘rt baravaridan oshmasligi lozim. Ushbu miqdordan ortiq qiymatdagi sovg‘alar Kengash mulki hisoblanadi va belgilangan tartibda Kengashga topshirilishi shart.

36-bandga asosan, deputat o‘z vakolatlarini amalga oshirish jarayonida korrupsiyaga nisbatan murosasiz munosabatda bo‘lishi hamda korrupsiyaga olib kelishi mumkin bo‘lgan har qanday xatti-harakat yoki harakatsizlikning oldini olishi shart.

Agar deputat korrupsiya holatlari yoki shunday xavf mavjudligi haqida ma'lumotga ega bo‘lsa, u korrupsiyaning oldini olish uchun zarur choralarni ko‘rishi, Kengash yoki uning organlari rahbarlarini, korrupsiyaga qarshi kurashish bo‘yicha maxsus vakolatli davlat organini xabardor qilishi yoki huquqni muhofaza qiluvchi organlarga murojaat etishi lozim.