Xalq deputatlari Bo‘stonliq tumani Kengashining 2026-yilga mo‘ljallangan Ish rejasiga muvofiq O‘zbekiston “Adolat” sotsial-demokratik partiyasidan saylangan deputat B.Kamalov tomonidan tumanning “Barraj” mahallasida joylashgan 11-sonli oilaviy poliklinika faoliyati o‘rganildi.

Tashrif davomida poliklinikaning qabul bo‘limi, oilaviy shifokorlar, tor mutaxassislar xonalari, emlash kabineti, laboratoriya, dori-darmon ta’minoti, tibbiy jihozlardan foydalanish holati hamda aholiga xizmat ko‘rsatish jarayonlari bilan yaqindan tanishildi. Shuningdek, elektron navbat tizimi, tibbiy hujjatlarni yuritish, bemorlarni qabul qilish tartibi va murojaatlarga munosabat bildirish amaliyoti ham atroflicha o‘rganildi.

Deputat tibbiyot xodimlari bilan muloqot qilib, aholiga sifatli va o‘z vaqtida tibbiy xizmat ko‘rsatish, profilaktik tadbirlarni kuchaytirish, onalar va bolalar salomatligini muhofaza qilish, surunkali kasalliklarni erta aniqlash hamda tibbiy madaniyatni yuksaltirish borasida tegishli tavsiyalar berdi.