Xalq deputatlari Payariq tumani Kengashi

35 yil

Yagona vatan, yagona xalq bo'lib, yangi hayot va kelajak yaratamiz!

Yangiliklar

So‘ngi yangiliklar

Xalq deputatlari tuman Kengashi deputati M. Kazakova tomonidan hamkor tashkilotlar vakillari bilan birgalikda M.Ulug‘bek mahallasida amalga oshirilayotgan obodonlashtirish ishlari hamda "Zarbdor tajribasi" asosida olib borilayotgan bunyodkorlik va infratuzilma ishlari joyiga chiqib o‘rganildi.

Xalq deputatlari Payariq tumani Kengashining 8-O‘rtato‘sin saylov okrugidan saylangan deputati B.Shakarov tomonidan Nakurt mahallasida yashovchi fuqaroning murojaati joyiga chiqib o‘rganildi.

Xalq deputatlari Payariq tumani Kengashi tegishli doimiy komissiyasi raisi o‘rinbosari Sh.Mirzakulov tomonidan Ko‘paki mahallasida madaniy faoliyatni tashkil etish, aholiga madaniy xizmatlar ko‘rsatish hamda sohadagi mavjud holat joyiga chiqib o‘rganildi.

Xalq deputatlari Payariq tumani Kengashining 8-O‘rtato‘sin saylov okrugidan saylangan deputati B.Shakarov Nakurt mahallasidagi dehqon bozorida amalga oshirilayotgan obodonlashtirish ishlari bilan yaqindan tanishdi.

Suhbat davomida mahalladagi ichki yo‘llarning holati, kommunal xizmatlar sifati, ko‘kalamzorlashtirish, sanitariya-tozalash ishlari, ekologik muhitni yaxshilash hamda transport qatnoviga oid mavjud masalalar muhokama qilindi.

Xalq deputatlari Payariq tumani Kengashi kotibiyati mudiri J.Axunov Yangiobod mahallasida bo‘lib, hududda amalga oshirilayotgan obodonlashtirish ishlari bilan yaqindan tanishdi.

Xalq deputatlari Payariq tumani Kengashining Korrupsiyaga qarshi kurashish, davlat organlarida ochiqlikni ta’minlash va huquqiy masalalar bo‘yicha doimiy komissiyasi raisi S. Maxkamov Juvozxona mahallasida bo‘lib, mahalla raisi bilan birgalikda fuqarolar murojaatlarini qabul qilish va ularning ijrosi holatini o‘rgandi.

O‘rganish davomida qurilish ishlarining ajratilgan budjet mablag‘lari hisobidan maqsadli va samarali amalga oshirilishi, ishlarning loyiha-smeta hujjatlariga muvofiqligi, qurilish sifati hamda belgilangan muddatlarga rioya etilishi tahlil qilindi.

Xalq deputatlari Payariq tumani Kengashining 1-Do‘stlik saylov okrugidan saylangan deputati O‘.Omonov hududdagi avtomobil yo‘llari holatini o‘rganish maqsadida joyiga chiqib, mavjud infratuzilma va transport qatnovi uchun yaratilgan sharoitlar bilan tanishdi.

Xalq deputatlari Payariq tumani Kengashining 1-Do‘stlik saylov okrugidan saylangan deputati O‘.Omonov Oqtosh mahallasida mahalla raisi bilan birgalikda o‘rganish ishlarini olib bordi.

DEHQON XO‘JALIGI – QISHLOQ XO‘JALIGI RIVOJINING MUHIM TAYANCHI

DEHQON XO‘JALIGI – QISHLOQ XO‘JALIGI RIVOJINING MUHIM TAYANCHI

O‘zbekiston Respublikasining “Dehqon xo‘jaligi to‘g‘risida”gi Qonuni Qonunchilik palatasi tomonidan 2021-yil 13-yanvarda qabul qilingan hamda Senat tomonidan 2021-yil 12-martda ma’qullangan.

Mazkur Qonun dehqon xo‘jaliklarini tashkil etish va ularning faoliyatini huquqiy jihatdan tartibga solish, dehqon xo‘jaligi a’zolarining huquq va majburiyatlarini belgilash, qishloq xo‘jaligi mahsulotlari ishlab chiqarishni rivojlantirish hamda aholining bandligi va daromadlarini oshirishga xizmat qiladi.

Qonunga muvofiq, dehqon xo‘jaligi fuqarolarning ixtiyoriy ravishda tashkil etiladigan, oila a’zolarining mehnati asosida faoliyat yurituvchi qishloq xo‘jaligi subyektidir. Dehqon xo‘jaliklari yer uchastkalaridan samarali foydalanib, sabzavot, poliz, meva, chorvachilik, parrandachilik va boshqa qishloq xo‘jaligi mahsulotlarini yetishtirish orqali ichki bozorni sifatli mahsulotlar bilan ta’minlashda muhim o‘rin tutadi.

Qonunda dehqon xo‘jaliklarining yer va mol-mulkdan foydalanish tartibi, mahsulot yetishtirish va realizatsiya qilish huquqlari, davlat tomonidan qo‘llab-quvvatlash mexanizmlari, shuningdek ularning huquq va manfaatlarini himoya qilishga oid normalar belgilangan.

Bugungi kunda dehqon xo‘jaliklarini rivojlantirish oziq-ovqat xavfsizligini mustahkamlash, yangi ish o‘rinlari yaratish, oilalar farovonligini oshirish hamda qishloq hududlarining iqtisodiy salohiyatini yuksaltirishda muhim ahamiyat kasb etmoqda.

🌱 Yerga mehr, mehnatga sadoqat va qonun talablariga rioya qilish – mo‘l hosil, barqaror daromad hamda yurtimiz ravnaqining muhim omilidir.