“Shaxsga doir ma’lumotlar to‘g‘risida”gi Qonun mazmun-mohiyati targ‘ib qilindi

Xalq deputatlari Termiz tuman Kengashi deputati K. Abdullayeva tomonidan Uchqizil mahalla fuqarolar fuqarolar yig‘inida O‘zbekiston Respublikasining “Shaxsga doir ma’lumotlar to‘g‘risida” gi Qonunining mazmun-mohiyatiga bag‘ishlangan targ‘ibot uchrashuvi o‘tkazildi.

Tadbir davomida fuqarolarga mazkur Qonunning asosiy maqsadi shaxsga doir ma’lumotlarni yig‘ish, saqlash, ulardan foydalanish va himoya qilish sohasidagi huquqiy munosabatlarni tartibga solishga qaratilgani haqida batafsil ma’lumot berildi.

Shuningdek, shaxsga doir ma’lumotlarning daxlsizligini ta’minlash, fuqarolarning huquq va qonuniy manfaatlarini himoya qilish, axborot xavfsizligini mustahkamlash hamda shaxsiy ma’lumotlardan qonuniy va mas’uliyatli foydalanish masalalari yuzasidan tushuntirishlar berildi.

Uchrashuv yakunida ishtirokchilarni qiziqtirgan savollarga javob berilib, qonunchilik talablariga rioya etish muhimligi alohida ta’kidlandi.