Xalqimizda azaldan mahallani Vatanning asosi, tayanchi deb bilishadi. Negaki, barcha ezgu tashabbuslar avvalo shu manzildan boshlanadi. Keyingi yillarda mamlakatimizda mahallaga yanada kuchliroq e’tibor qaratilishining sababi ham shu. Xususan, joriy – “Mahallani rivojlantirish va jamiyatni yuksaltirish yili”da bu borada qator ijobiy o‘zgarishlar kutilmoqda. 

Xalq deputatlari Mirzo Ulug‘bek tumani Kengashi deputati Gulchexra Axmedova “Alisherobod” mahallasida “mahalla yettiligi” bilan navbatdagi uchrashuvi bo‘lib o‘tdi.

Uchrashuv jarayonida mahallada aholi va yoshlarning ekologik madaniyatini yuksaltirish, mahalladoshlarimizning atrof-muhitga nisbatan bo‘lgan munosabatini ijobiy tomonga o‘zgartirish, bunda sohaga doir qonunlarni o‘qib-o‘rganish, ayniqsa tabiiy boyliklar – yer va suvdan oqilona foydalanish yuzasidan amalga oshirilayotgan ishlar o‘rganildi.

Mutasaddilarga “mahalla yettiligi” va faollarning bosh maqsadi aholining turmush tarzini yanada yuksaltirish, aholi daromadlarini oshirish, yoshlar tarbiyasini kuchaytirish, atrof-muhit obodonchiligini ta’minlash, yashil hududlarni kengaytirishdan iboratligi yuzasidan qo‘shimcha tushuntirishlar berildi. 

Shuningdek, G.Axmedova tomonidan fuqarolarning mavjud muammolar bo‘yicha murojaaatlari joyida o‘rganilib, hal etish choralari belgilab olindi.