Deputat — fuqarolar manfaatlari yo‘lida

🇺🇿 Xalq deputatlari Uchtepa tumani Kengashiga O'zbekiston XDPdan saylangan "25-Qo‘rg‘on" saylov okrugi deputati Xamitova Galina Gennadyevna tomonidan tumandagi “Tepaqo‘rg‘on” mahallasida fuqarolar bilan navbatdagi uchrashuv tashkil etildi. Unda tuman hokimligi mas’ul rahbarlari, mahalla faollari hamda aholi vakillari ishtirok etdi.

🗣 Uchrashuv davomida deputat tomonidan joriy yilning I-choragi davomida amalga oshirilgan ishlar, hududdagi dolzarb masalalar hamda ularni bartaraf etish yuzasidan olib borilayotgan sa’y-harakatlar haqida batafsil ma’lumot berildi.

📝 Xususan, mahalla hududida olib borilgan obodonlashtirish ishlari, ko‘chalarni asfaltlashtirish, piyodalar yo‘laklarini tartibga keltirish, bolalar maydonchalarini tashkil etish va ta’mirlash borasida chiqarilgan deputatlik so‘rovlari hamda ularning ijrosi yuzasidan amalga oshirilayotgan ishlar alohida ta’kidlandi.

📇 Shuningdek, “Tepaqo‘rg‘on” mahallasi hududidagi 1-A va 50A-uylar oldida bolalar maydonchasini barpo etish masalasi yuzasidan deputatlik so‘rovi chiqarilgani, ushbu tashabbus asosida tuman Kengashi qarori bilan mazkur manzilga mablag‘ ajratilganligi fuqarolar tomonidan mamnuniyat bilan qarshi olindi.

↗️ Uchrashuvda mahalla hududidagi 1-sonli bolalar sport maktabi hamda 340-sonli davlat maktabgacha ta’lim tashkiloti joriy yilgi “Open Budget” dasturiga kiritilgani ham ma’lum qilindi. Mazkur ikki loyiha doirasida 3 mlrd. so‘mdan ortiq mablag‘ ajratilgani, bu esa hudud infratuzilmasini yanada yaxshilash va yoshlar uchun qulay sharoitlar yaratishga xizmat qilishi qayd etildi.

💬 Muloqot davomida fuqarolar tomonidan bildirilgan taklif va murojaatlar tinglanib, ularni hal etish yuzasidan mutasaddilarga tegishli topshiriqlar berildi. Uchrashuv ochiq va samimiy ruhda o‘tib, aholi manfaatlarini ta’minlash, hududdagi muammolarni tizimli hal etishda deputatlik faoliyatining muhim o‘rni yana bir bor namoyon bo‘ldi.