Boyovut tumanining “Jo‘langar” va “Sarmich” mahallalarida 9-may — Xotira va qadrlash kuniga bag‘ishlangan ma’naviy-ma’rifiy tadbir bo‘lib o‘tdi.

Tadbirda xalq deputatlari Boyovut tumani Kengashi deputati A.Amanlikov, tuman hokimi o‘rinbosari A. Alashukurov hamda Sirdaryo viloyati “Nuroniy” jamg‘armasi raisi O‘.Abdiyev ishtirok etib, yig‘ilganlarni ushbu qutlug‘ sana bilan tabrikladilar hamda tadbirni ochib berdilar.

Tadbir davomida hududda tashkil etilgan xotira maydoni va stendlar qurilishida faol ishtirok etib, obodonlashtirish ishlariga munosib hissa qo‘shgan uch nafar faol nuroniy tashkilotchilar tomonidan esdalik sovg‘alari bilan taqdirlandi.

Shuningdek, tadbirda keksa avlod vakillarining ibratli hayot yo‘li, yurt tinchligi va Vatan ravnaqi yo‘lidagi fidokorona xizmatlari alohida e’tirof etildi. So‘zga chiqqanlar tomonidan yosh avlodni vatanparvarlik, milliy qadriyatlarga hurmat hamda ajdodlar xotirasiga sadoqat ruhida tarbiyalash masalalari yuzasidan mazmunli fikr-mulohazalar bildirildi.

Tadbir ko‘tarinki ruhda va samimiy muhitda tashkil etildi.