Shukronalik ruhi — mahallalarda! 

Davlatimiz Mustaqilligining 35-yilligi munosabati bilan Oltiariq tumanida “Ma’rifat va saxovat karvoni” shiori ostida “Shukronalik” tadbirlari keng ko‘lamda tashkil etilmoqda. Ushbu ezgu tashabbuslar aholi o‘rtasida mehr-oqibat, birdamlik va vatanparvarlik tuyg‘ularini yanada mustahkamlashga xizmat qilmoqda. Bugun Obod va Tinchlik MFYlarda o‘tkazilgan tadbirlarda Xalq deputatlari Oltiariq tuman kengashi deputati D.Axmedov hamda
mahalla ahli — keksa-yu yosh birdek faol ishtirok etdi. Nuroniylar duosi, yoshlarning mazmunli chiqishlari tadbirga alohida ruh bag‘ishladi. Madaniy dasturlar, kuy-qo‘shiqlar va davra suhbatlari ishtirokchilarda unutilmas
taassurot qoldirdi. Tadbir davomida milliy qadriyatlarimiz, shukronalik va bag‘rikenglik fazilatlari keng
targ‘ib qilindi. Tadbir yakunida faol ishtirokchilar va tashabbuskor fuqarolarga minnatdorchilik bildirildi. Bunday
uchrashuvlar xalqimiz o‘rtasidagi ahillik va hamjihatlikni yanada mustahkamlashga xizmat qiladi.