Xalq deputatlari Vobkent tumani Kengashi kotibiyati mudiri, deputat M.Naimova tuman Kengashi kotibiyati bosh mutaxassisi Sh.Ismatov bilan birgalikda tuman maktabgacha va maktab taʼlimi boʻlimiga qarashli “Kelajak” markazida boʻlib, taʼlim maskani faoliyati oʻrganildi.

Vobkent tuman “Kelajak” markazi “Quruvchi” MFY joylashgan boʻlib, binosi 2 qavatli, umumiy xonalar soni 22 tani tashkil qiladi, bir muddatda 100 nafar toʻgarak aʼzosini qamrab oladi.

Bugungi kunda oʻquvchilar qamrovi 1000 nafarni tashkil etadi. 13 ta umumtaʼlim maktablarida 18 ta tarmoq toʻgaraklari tashkil etilgan. Ota-nalar badal toʻlovlari qaror talablari asosida belgilangan boʻlib 61800 soʻm etib belgilangan (BHMning 15%). Ushbu toʻlovlardan tushadigan tushumlar qaror talablari asosida 40% miqdori tarmoq toʻgaraklari tashkil etilgan umumtaʼlim maktablarining maktab fondiga tushirilib berilmoqda.

“Kelajak” markazida 2025-2026-oʻquv yili mart oyi holatida 26 nafar toʻgarak rahbarlari faoliyat yuritayotgan boʻlib, shundan 9 nafari oliy, 9 nafari tugallanmagan oliy va 8 nafari oʻrta-maxsus maʼlumotiga ega. 23 nafar pedagoglardan 22 nafari ayollarni tashkil qiladi.

Deputat muassasa pedagog xodimlar bilan suhbat oʻtkazib, taʼlim tizimida olib borilayotgan islohotlar, ularning amaliy natijalari hamda mavjud muammolar yuzasidan fikr almashdi. Xususan, oʻquvchilarning intellektual va maʼnaviy rivojlanishiga qaratilgan mashgʻulotlar samaradorligini oshirish, zamonaviy oʻquv-uslubiy qoʻllanmalar bilan taʼminlash hamda moddiy-texnik bazani yanada mustahkamlash masalalariga alohida eʼtibor qaratildi.