#Kengash_faoliyati #1_chorak #hisobot #Eshituvlar #Xalqbilanbirga

Xalq deputatlari Andijon shahar Kengashi raisi R.Ziyayev raisligida doimiy komissiya raisi va a’zolari hamda O‘zLiDeP Andijon shahar Kengashi bilan hamkorlikda qo‘shma yig‘ilish bo‘lib o‘tdi.

Mazkur qo'shma yig'ilish “Xalq bilan birga” umummilliy dasturi doirasida aholi bilan yaqin muloqotni ta’minlash, ularni qiynayotgan muammolarni o‘rganish va ularga amaliy yechim topish, shuningdek, ta’sirchan deputatlik hamda jamoatchilik nazoratini kuchaytirishga qaratilgan muhim amaliy qadam bo‘ldi.

✈️ Eshituv davomida aholi va hududlarni favqulodda vaziyatlardan ishonchli muhofaza qilish sohasida amalga oshirilayotgan ishlar muhokama qilindi. Xususan, Andijon shahar Favqulodda vaziyatlar bo‘limi rahbari Jobirjon Siddiqov tomonidan joriy yilning birinchi choragida bajarilgan ishlar va kelgusidagi vazifalar yuzasidan hisobot taqdim etildi.

✈️ Shuningdek, mahallalarda boshqaruv tizimini takomillashtirish, aholi muammolarini manzilli hal etish va jamoatchilik ishtirokini kengaytirish masalalariga alohida e’tibor qaratildi. Bu borada Andijon shahar mahallalar uyushmasi rahbari Ziyoviddin Asranov tomonidan amalga oshirilayotgan ishlar, erishilgan natijalar hamda istiqboldagi rejalar yuzasidan axborot berildi.

Muhokamalar jarayonida mavjud kamchiliklar tanqidiy tahlil qilinib, ularni bartaraf etish, aholi murojaatlariga tezkor va sifatli javob berish mexanizmlarini yanada takomillashtirish bo‘yicha taklif va tavsiyalar ilgari surildi.

Yig‘ilish yakunida tegishli qarorlar qabul qilinib, belgilangan vazifalar ijrosini ta’minlash yuzasidan mas’ullarga aniq topshiriqlar berildi.