Xalq deputatlari Payariq tumani Kengashi

Yangiliklar

So‘ngi yangiliklar

Xalq deputatlari tuman Kengashi kotibiyati mudiri hamda Savdo-sanoat palatasi tuman bo‘limi vakillari ishtirok etdi.

Xalq deputatlari tuman Kengashining Korrupsiyaga qarshi kurashish, davlat organlarida ochiqlikni ta’minlash va huquqiy masalalar bo‘yicha doimiy komissiyasi raisi S. Maxkamov hamda J.Axunov tomonidan “Samarqand suv ta’minot” MCHJning Payariq tuman filiali faoliyati yuzasidan o‘rganish ishlari amalga oshirildi.

Xalq deputatlari Payariq tumani Kengashi deputati Sh.Mirzakulov tomonidan Choshtepa mahallasida aholi va bolalar uchun mavjud sport inshootlari, shuningdek 82-sonli umumta’lim maktabining sport zali hamda undagi sport anjomlari va jihozlar holati o‘rganildi.

Xalq deputatlari Payariq tumani Kengashi kotibiyati mudiri J.Axunovning kunlik ish rejasiga asosan 2-Dehqonobod saylov okrugi deputati S.Mahkamov bilan birgalikda tuman markazida barpo etilayotgan “Motamsaro ona” maydonida olib borilayotgan qurilish ishlari holati o‘rganildi.

Xalq deputatlari tuman Kengashi deputati S. Kasimova tomonidan fuqaro murojaati asosida Tohirshayx mahallasi Nayman qishlog‘ida yashovchi kam ta’minlangan oila xonadoniga borib, holat o‘rganildi.

Xalq deputatlari tuman Kengashi deputati S.Kasimova hamda tuman Kengashi huzuridagi Yoshlar maslahat guruhi a’zosi O.Obilovlar tomonidan tuman madaniyat bo‘limi faoliyati o‘rganildi.

Oʻzbekiston Respublikasi Prezidentining PQ-298-son qarori ijrosi yuzasidan amalga oshirilayotgan ishlar holati o‘rganildi.

Xalq deputatalari Payariq tumani Kengashi deputati tomonidan Tuman tibbiyot birlashmasi boshlig‘i D.Jo'rayevga deputatlik so'rovi yuborildi.

Agrar, qurilish, kommunal sohalar, ekologiya, sanoat va transport masalalari bo‘yicha doimiy komissiya raisi B.Shakarov tomonidan sessiya qarori ijrosi yuzasidan amalga oshirilayotgan ishlar holati o‘rganildi.

Xalq deputatlari tuman Kengashi kotibiyati mudiri J.Axunovning kunlik ish rejasiga muvofiq, 6-Farovon saylov okrugidan saylangan deputat Ochilova Nazokat Yo‘ldoshovna bilan birgalikda Mustaqillik mahallasida o‘rganish ishlari amalga oshirildi.

OʻZBEKISTON RESPUBLIKASINING QONUNI

OʻZBEKISTON RESPUBLIKASINING QONUNI

QISHLOQ XOʻJALIGIGA MOʻLJALLANMAGAN YER UCHASTKALARINI XUSUSIYLASHTIRISH TOʻGʻRISIDA

Oʻzbekiston Respublikasining “Qishloq xoʻjaligiga moʻljallanmagan yer uchastkalarini xususiylashtirish toʻgʻrisida”gi Qonuni mamlakatimizda yer munosabatlarini tartibga solish, xususiy mulk huquqlarini mustahkamlash hamda yer resurslaridan samarali va shaffof foydalanishni ta’minlashga qaratilgan muhim huquqiy hujjat hisoblanadi.

Ushbu Qonunga ko‘ra, qishloq xo‘jaligiga mo‘ljallanmagan yer uchastkalarini xususiylashtirish qonuniylik, ixtiyoriylik, haq to‘lash, xususiylashtiriladigan yer uchastkalari va ulardagi ko‘chmas mulk obyektlarining yaxlitligi, shuningdek ochiqlik va shaffoflik prinsiplari asosida amalga oshiriladi. Bu esa jarayonning adolatli va barqaror kechishini ta’minlaydi.

Qonunda xususiylashtirish obyektlari, ya’ni yuridik va jismoniy shaxslarga ajratilgan yer uchastkalari, davlat ko‘chmas mulk obyektlari joylashgan hududlar hamda bo‘sh turgan yer uchastkalari aniq belgilab qo‘yilgan. Shu bilan birga, ayrim toifadagi yer uchastkalari (tabiatni muhofaza qilish hududlari, umumiy foydalanishdagi yerlar, maxsus iqtisodiy zonalar va boshqalar) xususiylashtirilishi mumkin emasligi ham mustahkamlangan.

Qonunga muvofiq, yer uchastkalarini xususiylashtirish ikki asosiy shaklda amalga oshiriladi: mavjud huquqlar asosida sotib olish hamda elektron onlayn-auksionlar orqali xarid qilish. Jarayon Davlat xizmatlari markazlari yoki Yagona interaktiv davlat xizmatlari portali orqali amalga oshirilishi belgilangan.

Shuningdek, Qonunda yer uchastkalarining sotib olish qiymatini aniqlash va to‘lash tartibi, davlat organlarining vakolatlari, xususiylashtirishdan tushadigan mablag‘larning yo‘naltirilishi, hamda mulkdorlarning huquq va majburiyatlari batafsil tartibga solingan.

Mazkur Qonun mamlakatimizda yer islohotlarini chuqurlashtirish, investitsion muhitni yaxshilash, tadbirkorlikni rivojlantirish hamda fuqarolarning mulk huquqlarini kafolatlashda muhim huquqiy asos bo‘lib xizmat qiladi.

Slide 1 of 1