Jaslar – elimiz keleshegi

Búgin Nawrız máhállesinde jaslardıń isbilermenlik kónlikpelerin qáliplestiriw hám olardı kishi bizneske keńirek tartıw maqsetinde áhmiyetli ushırasıw bolıp ótti.

Ilajǵa tájiriybeli isbilermen hám Xalıq deputatları rayonlıq Keńesi deputatı, ÓzLiDeP deputatlıq topar aǵzası L.Eshbaeva qatnastı.

Ushırasıwda L.Eshbaeva óziniń basıp ótken jolları, qıyınshılıqları hám tabıs sırları menen bólisti.

"Házirgi waqıtta jaslar ushın imkaniyatlar esigi hár qashanǵıdan da keń ashılǵan. Biznes baslayman degen jastıń artında mámleket turıptı. Biziń maqsetimiz – olardıń qatlamın qollap-quwatlaw hám jol-joba kórsetiw," — dedi L.Eshbaeva.

Jaslar arasında ótkerilip atırǵan bunday ashıq sáwbetler máhálle jaslarınıń isbilermenlikke bolǵan qızıǵıwshılıǵın arttıradı.

Xalıq deputatları Qanlıkól rayonlıq Keńesi

     Kanalǵa aǵza bolıw: 👇👇👇

📱 Telegram (https://t.me/kanlikul_deputatlar_kenesi_2019) E-Kengash (https://kengash.gov.uz/news?region_id=13&authority_id=362)