O‘rganishlar davomida quyidagi masalalarga alohida e’tibor qaratildi:

— mahalladagi yoshlar yetakchisi tomonidan amalga oshirilayotgan tadbirlar samaradorligi hamda yoshlar bandligi;

— aholiga o‘z vaqtida sifatli tibbiy yordam ko‘rsatilishi holati;

— mahallalarda aholi va bolalar uchun sport inshootlari, umumta’lim maktablari, kollej va akademik litseylarning sport zallari hamda ularning jihozlanish darajasi;

— hokim yordamchilari tomonidan olib borilayotgan ishlar samaradorligi, xususan, aholini kambag‘allikdan chiqarish bo‘yicha chora-tadbirlar;

— mahalladagi ijtimoiy xodim faoliyati, ijtimoiy ehtiyojmand toifalarga xizmat ko‘rsatish sifati, kam ta’minlangan oilalarga nafaqa va moddiy yordamlar ajratilishi;

— mahalla xotin-qizlar faoli tomonidan amalga oshirilayotgan ishlar samaradorligi;

— mahalladagi soliq inspektori tomonidan yuklatilgan vazifalarning bajarilishi holati.

 O‘rganishlar yakunida aniqlangan muammolar yuzasidan tegishli tashkilotlarga taklif va tavsiyalar berildi hamda ularni bartaraf etish bo‘yicha aniq choralar belgilandi.

   Bu kabi o‘rganishlar hududlarda mavjud muammolarni o‘z vaqtida aniqlash va samarali yechimlar ishlab chiqishda muhim ahamiyat kasb etadi.