Xalq deputatlari Pastdarg'om tuman Kengashi deputati A.Abdumurotov tomonidan O‘zbekiston Respublikasi Prezidentining 2025-yil 27-dekabrdagi PQ-393-son qaroriga muvofiq 2026–2028-yillarda ijtimoiy va ishlab chiqarish infratuzilmasini rivojlantirish doirasida amalga oshirilayotgan ishlar bilan tanishildi. Xususan, 4R-46 “Samarqand sh–Juma sh–Kattaqo‘rg‘on” avtomobil yo‘lining 22-km qismida joylashgan temiryo‘l kesishmasidan o‘tadigan ko‘prikni rekonstruksiya qilish jarayoni joyiga chiqib o‘rganildi. O‘rganish davomida qurilish-montaj ishlarining borishi, bajarilayotgan ishlar sifati, texnik talab va me’yorlarga rioya etilishi hamda belgilangan muddatda yakunlash masalalari ko‘zdan kechirildi. Mas’ullar bilan suhbatda ishlarni sifatli va o‘z vaqtida bajarish, yo‘l harakati xavfsizligini ta’minlash hamda aholi uchun qulay sharoit yaratish muhimligi ta’kidlandi. Mazkur yo‘nalish deputat nazoratida davom ettiriladi.