“Yashil ta’mirlash” ishlari boshlandi

 Xalq deputatlari tuman Kengashi kotibiyati mudiri Oliyaxon Asqarova va Kengash kotibiyati bosh mutaxassisi Sherali Aliqulovlar tumanning "Oqtepa" MFY hududida joylashgan, ijtimoiy himoyaga muhtoj oilalar xonadonlarida olib borilayotgan qurilish-ta’mirlash ishlarini o‘rgandi va nazoratga oldi.

📌 Mazkur ishlar Xalq deputatlari Buvayda tuman Kengashining tegishli qarori asosida amalga oshirilmoqda. Unga ko‘ra, “Infratuzilma va ijtimoiy barqarorlik” jamg‘armasi mablag‘lari hisobidan I-guruh nogironligi bo‘lgan hamda oilasida mehnatga layoqatli a’zolari mavjud bo‘lmagan fuqarolar xonadonlarini energiya tejamkor (“yashil”) ta’mirlash ishlari uchun mablag‘ ajratilgan.

🔧 Hozirda ushbu xonadonlarda: 

• uylarning issiqlik saqlovchi qoplamalari yangilanmoqda

• eski deraza va eshiklar energiya tejamkor turlariga almashtirilmoqda

• uylarning umumiy energiya samaradorligini oshirish choralari ko‘rilmoqda

👨‍💼 Deputat tomonidan o‘rganish davomida ishlarning sifati, muddatlarga rioya qilinishi hamda ajratilgan mablag‘larning maqsadli sarflanishiga alohida e’tibor qaratildi.

💬 Ta’kidlanganidek, mazkur loyiha: 

✔️ aholining yashash sharoitini yaxshilash

✔️ kommunal xarajatlarni kamaytirish

✔️ energiya resurslaridan samarali foydalanishni ta’minlash

✔️ ijtimoiy adolat va qo‘llab-quvvatlash tizimini mustahkamlashga xizmat qiladi.

Xalq deputatlari Buvayda tuman Kengashi. 

👍Telegram (https://t.me/buvaydakengash) l 👍Facebook (https://www.facebook.com/share/1Ky7FY7XLo)