Xalq deputatlari Urganch shahar Kengashi kotibiyati mudiri P.Ro‘ziboev tomonidan o‘zi saylangan okrug hududida o‘rganish ishlari olib borildi. O‘rganish davomida saylovchilar bilan muloqot o‘tkazilib, ularni o‘ylantirib kelayotgan muammoli masalalar tahlil etildi.   

Unga ko‘ra mahalla hududi 60 gektarni tashkil qilishi, shuningdek hududdagi yashash xonadonlarning aksariyati ko‘p qavatli turar joylardan iborat ekanligi hamda shaxobchalar orasidagi masofa uzoqligini inobatga olib, qo‘shimcha ravishda yana 2 ta chiqindi yig‘ish shaxobchasi o‘rnatish yuzasidan deputat so‘rovi yuborildi. 

Shuningdek, hududda qarovsiz xayvonlarning ko‘payganligini inobatga olib, mazkur xayvonlarni olib chiqib ketish bo‘yicha ham deputat so‘rovi chiqarilib, o‘rganish davomida aniqlangan yana 3 ta masala yuzasidan so‘rov yuborilishi rejalashtirildi. 

 "Bizning maqsadimiz — xalqning dardi bilan yashash va har bir murojaatning ijobiy yechimiga erishishdir. Saylovchilar ishonchi — biz uchun eng oliy mukofot," — deydi deputat P.Ro‘ziboyev.