“Yuksalish” umummilliy harakati Samarqand hududiy bo‘linmasi boshlig‘i, viloyat hokimi maslahatchisi , viloyat Kengashi deputati Elyor Hamroyev hamda tuman kotibiyati mutaxassisi Shahzod G‘afforov, tuman veterinariya bo‘limi rahbari Toyloq tumanida faoliyat yuritayotgan Akmal Toshpulotovich ko‘p tarmoqli fermer xo‘jaligi hamda fermerga qarashli arzonlashtirilgan go‘sht savdo do‘konlari faoliyati bilan yaqindan tanishdi. 

  ✅Uchrashuv davomida fermer xo‘jaligida chorvachilikni rivojlantirish, aholini sifatli va arzon go‘sht mahsulotlari bilan ta’minlash borasida amalga oshirilayotgan ishlar ko‘zdan kechirildi. Ma’lum bo‘lishicha, mazkur fermer xo‘jaligida ayni paytda 1200 bosh qoramol parvarish qilinmoqda. Bu esa nafaqat Toyloq tumani, balki atrofdagi boshqa tumanlarda ham go‘sht mahsulotlariga bo‘lgan ehtiyojni qondirishda muhim ahamiyat kasb etmoqda. 

  ✅Fermer tomonidan tashkil etilgan savdo do‘konlarida go‘sht mahsulotlari bozor narxlariga nisbatan arzon narxlarda taklif etilmoqda. Shu bilan birga, mahsulotlar aholiga yetkazib berilish jarayonida sanitariya-gigiyena talablariga qat’iy rioya etilmoqda, sifat nazorati doimiy ravishda ta’minlangan. 

  ✅Mutaxassislar tomonidan bunday tashabbuslar aholini arzon va sifatli oziq-ovqat mahsulotlari bilan ta’minlash, shuningdek, ichki bozorda barqaror narx-navo shakllanishiga xizmat qilishi ta’kidlandi. 

  ✅Bu kabi ilg‘or fermer xo‘jaliklari faoliyatini qo‘llab-quvvatlash va ularning tajribasini keng ommalashtirish qishloq xo‘jaligini yanada rivojlantirishga zamin yaratadi

🌐 https://t.me/Toyloq_tuman_Kengashi