Xalq deputatlari Chilonzor tuman Kengashi deputati M.X. Tadjiyeva tomonidan yuborilgan deputat so‘rovlari yuzasidan Chilonzor tumani hokimligi tomonidan rasmiy javob taqdim etildi. 

Mazkur masala bo‘yicha tuman hokimi o‘rinbosari K. Xamrayev tomonidan quyidagilar ma’lum qilindi. 

Deputat so‘rovlarida ko‘tarilgan Sharaf mahallasi hududidagi 26–27-ko‘p qavatli uylar oldida bolalar o‘yin maydonchasini barpo etish hamda ta’mirlash ishlari bo‘yicha ushbu ishlar tegishli dasturga kiritilgani bildirildi. Mazkur qurilish-ta’mirlash ishlari
zarur mablag‘ ajratilgandan so‘ng amalga oshirilishi rejalashtirilgan. 

Shuningdek, Sharaf mahallasidagi 27-ko‘p qavatli uy oldida piyodalar yo‘lagi hamda avtomobillar harakatlanish yo‘l qismini ta’mirlash masalasi ham tegishli dasturga kiritilgani ta’kidlandi. Ushbu ishlar ham moliyalashtirish manbalari aniqlanib, mablag‘ ajratilgach bosqichma-bosqich amalga oshiriladi.  

Ta’kidlanishicha, deputat so‘rovlarida ko‘tarilgan masalalar yuzasidan tegishli ishlarrejalashtirilgan va belgilangan tartibda amalga oshiriladi.