Xalq deputatlari Qiziriq tumani Kengashi deputati D.Xoliqova 2026-yilning birinchi yarim yilligi uchun saylovchilar bilan uchrashuvlar jadvaliga muvofiq “Qorsuv” mahallasida saylovchilar bilan ochiq muloqot tashkil etdi. Uchrashuv davomida mahalla aholisining turli ijtimoiy, maishiy va iqtisodiy masalalari atroflicha muhokama qilindi.

Deputat aholi murojaatlarini diqqat bilan tinglab, mavjud muammolarni hal etish bo‘yicha amaliy takliflar berdi va mahalliy hokimiyat organlari hamda tegishli idoralar bilan hamkorlikda yechim topish yo‘llarini belgiladi. Shuningdek, uchrashuv davomida O‘zbekiston Respublikasi Oliy Majlisi Senati Kengashining “Hududlarni rivojlantirish hamda aholi muammolarini hal etishda mahalliy Kengashlar deputatlari va senatorlarning ‘mahalla yettiligi’ bilan o‘zaro hamkorligini yanada kuchaytirish chora-tadbirlari” to‘g‘risidagi KQ-35-son qarori mazmun-mohiyati ham tushuntirildi. Qaror bilan belgilangan aholi muammolarini samarali hal etish, ijtimoiy-ma’naviy muhitni barqarorligini ta’minlash, madaniy-ma’rifiy tadbirlarni amalga oshirish bo‘yicha ishlar haqida ham ishtirokchilarga to‘liq tushuntirish berildi.

Uchrashuv yakunida D.Xoliqova aholi bilan doimiy aloqada bo‘lish, kelgusi uchrashuvlar va monitoringlar orqali ularning taklif va e’tirozlarini doimiy ravishda nazorat qilishni ta’kidladi. Mahalla aholisi esa uchrashuvdan mamnun bo‘lib, o‘z fikr va istaklarini deputatga bevosita yetkazish imkoniyatiga ega bo‘ldi.

Qiziriq tumani Kengashi Axborot xizmati

Rasmiy sahifalarimiz👇

Telegram (https://www.instagram.com/xalqdep_qiziriqtumani_kengashi?utm_source=qr&igsh=MjJ2OG4xOTh0dHY3) | Facebook (https://www.facebook.com/?ref=homescreenpwa) | E-kengash (https://kengash.gov.uz/qiziriq) |Instagram (https://www.instagram.com/xalqdep_qiziriqtumani_kengashi?utm_source=qr&igsh=MjJ2OG4xOTh0dHY3)

Slide 1 of 2