O‘zbekiston O‘zLiDeP partiyasidan Xalq deputatlari Ellikqal’a tuman Kengashiga 22-sonli “Sharq-yulduzi” saylov okrugidan saylangan deputat Sharipova Dilbarjon Xudaybergenovna Tuproqqal’a mahallasida o‘z saylovchilar bilan uchrashuv bo‘lib o‘tdi. 

Uchrashuv davomida deputat tomonidan O‘zbekiston Respublikasi Prezidentining 2026-yil 5-fevraldagi “2026-yilda hududlarni yangicha yondashuvlar asosida rivojlantirish orqali aholi daromadini oshirish, doimiy ish o‘rinlarini yaratish va kambag‘allikni qisqartirish chora-tadbirlari to‘g‘risida”gi PQ-49-sonli qarori hamda 2026-yil 21-fevraldagi Qoraqalpog‘iston Respublikasini 2026-yilda ijtimoiy-iqtisodiy rivojlantirish va kelgusi yillar uchun mo‘ljallangan dasturlarni tasdiqlash to‘g‘risidagi PQ-70-sonli qarorining
mazmun-mohiyati haqida batafsil tushuntirish berildi. 

Xususan, mazkur qarorlar asosida hududlarda yangi ish o‘rinlarini yaratish, tadbirkorlik faoliyatini qo‘llab-quvvatlash, aholi bandligini ta’minlash, kambag‘allikni qisqartirish, infratuzilmani yaxshilash hamda mahallalarda ijtimoiy-iqtisodiy rivojlanishni ta’minlash bo‘yicha amalga oshirilayotgan va rejalashtirilgan chora-tadbirlar haqida saylovchilarga atroflicha ma’lumot berildi. Deputat ushbu hujjatlar orqali aholi farovonligini oshirish, yoshlar va xotin-qizlar bandligini ta’minlash, kichik biznes va oilaviy tadbirkorlikni rivojlantirishga alohida e’tibor qaratilayotganini ta’kidladi. 

Shuningdek, uchrashuv davomida fuqarolar tomonidan mahalla hududini obodonlashtirish, ichki yo‘llarni ta’mirlash, bandlik masalalari hamda ijtimoiy soha bilan bog‘liq bir
qator taklif va murojaatlar bildirildi. Deputat ushbu murojaatlarni atroflicha o‘rganib chiqib, ularni tegishli tashkilotlar bilan hamkorlikda hal etish bo‘yicha zarur choralar ko‘rilishini ma’lum qildi.