Viloyat hamda tuman Kengashi deputatlari Abdurasul Bababekov va Xurshid Jo‘raxolovlar tomonidan Boyovut tumani “Shirin” mahallasida hududida bo‘lib, aholi bilan uchrashuv o‘tkazdilar. Uchrashuv davomida fuqarolarning muammo va takliflari tinglanib, ularni joyida o‘rganish ishlari amalga oshirildi.

Muloqot jarayonida mahalladagi bir qator ijtimoiy masalalar, jumladan, infratuzilmani yaxshilash, aholiga ko‘rsatilayotgan xizmatlar sifatini oshirish hamda “Tashabbusli budjet” dasturi doirasida amalga oshirilayotgan loyihalar yuzasidan fikr almashildi.

Shuningdek, “Farovon” ko‘chasida yo‘l yoqasidan o‘tgan ichimlik suvi quvuri shikastlanganligi sababli aholiga qiyinchilik tug‘ilgani haqida fuqarolar tomonidan murojaat bildirildi. Mazkur holatni bartaraf etish, ichimlik suvi ta’minotini yaxshilash va muammoni tezkor hal etish bo‘yicha mutasaddi tashkilotlarga tegishli taklif va tavsiyalar berildi.

Uchrashuv yakunida aholini qiynayotgan masalalarni bosqichma-bosqich hal etish, fuqarolar murojaatlarini doimiy nazoratga olish hamda mahalla infratuzilmasini yanada yaxshilash bo‘yicha tegishli chora-tadbirlar belgilab olindi.