Xalq deputatlari Olmaliq shahar Kengashi deputatlari tomonidan saylovchilar bilan yuzma-yuz muloqot qilish, ularni qiynayotgan muammolarga yechim topish an’anaga aylangan. Shahrimizning ikki hududida deputatlarning navbatdagi uchrashuvi o‘tkazildi.

🔹 1-okrug deputati Faxriddin Matasimov — “Zarbuloq” mahallasi binosida;

🔹 2-okrug deputati Abdujabbor Djurayev — “Navro‘z” mahallasi binosida aholi bilan uchrashuv o‘tkazdilar.

Uchrashuvlarda faqatgina murojaatlarni tinglash bilan cheklanilmasdan, ularning yechimiga kompleks yondashildi:

✅Har bir murojaat tegishli soha vakillari bilan birgalikda tahlil qilindi va yechimi yuzasidan mutasaddi tashkilotlarga deputatlik yo‘naltirmalari berildi.

✅Qabulda bevosita ishtirok etgan mahalla yettiligi bilan hamkorlikda bir qator maishiy va ijtimoiy muammolar shuning o‘zida, joyida ijobiy hal etildi.

"Deputatning asosiy vazifasi — xalq va davlat idoralari o‘rtasida mustahkam ko‘prik bo‘lishdir. Mahalla yettiligi bilan bir jamoa bo‘lib ishlashimiz murojaatlarning tezkor va sifatli hal etilishini ta’minlamoqda," — deydi deputatlar.