Prezidentning Oliy Majlisga yo‘llagan Murojaatnomasi hamda “O‘zbekiston – 2030” taraqqiyot strategiyasi loyihasi mamlakat kelajagini belgilab beruvchi, barqaror rivojlanishni ta’minlashga qaratilgani bilan alohida ahamiyat kasb etadi. Sababi ularda inson qadrini ulug‘lash, aholi farovonligini oshirish, ijtimoiy adolat tamoyillarini hayotga izchil tatbiq etish davlat siyosatining ustuvor yo‘nalishi sifatida belgilab qo‘yilgan. Bu esa islohotlarning markazida inson manfaati turganini yana bir bor tasdiqlaydi.

         Mazkur strategik g‘oya va vazifalarning mazmun-mohiyatini aholi o‘rtasida keng targ‘ib qilish, ularning amaldagi ijrosi bo‘yicha jamoatchilik fikrini shakllantirish maqsadida xalq deputatlari Bag‘dod tumani Kengashi deputati Islomjon Ahmedov tashabbusi bilan tumandagi “Samandarak” mahallasi aholisi ishtirokida targ‘ibot tadbiri tashkil etildi.