🏛 “G‘o‘rin-Gilambob” mahallasida deputatlar ishtirokida ochiq muloqot o‘tkazildi

🇺🇿 Xalq deputatlari Surxondaryo viloyat Kengashi 5-Seplon saylov okrugi deputati M. Narbasheva hamda Xalq deputatlari Sherobod tuman Kengashi 7-Boybuloq saylov okrugi deputati L. Xakimova tomonidan “G‘o‘rin-Gilambob” mahallasida mahalla yettiligi vakillari bilan uchrashuv tashkil etildi.

🤝 Mazkur uchrashuv hududlarni kompleks rivojlantirish borasida belgilangan vazifalar ijrosini ta’minlash, shuningdek, “Mahalla yettiligi — Kengash — Senat” uch bo‘g‘inli hamkorlik tizimi samaradorligini yanada oshirish maqsadida o‘tkazildi.

📊 Uchrashuv davomida mahalla hududida amalga oshirilayotgan ijtimoiy-iqtisodiy islohotlar, infratuzilmani yaxshilash, bandlikni ta’minlash, tadbirkorlikni qo‘llab-quvvatlash hamda aholini qiynayotgan dolzarb muammolar atroflicha muhokama qilindi.

📝 Fuqarolar tomonidan yo‘llangan murojaatlar tinglanib, har bir masala yuzasidan aniq chora-tadbirlar belgilandi. Tegishli tashkilot va mutasaddi rahbarlarga masalalarni o‘z vaqtida va sifatli hal etish bo‘yicha topshiriqlar berildi.

🔎 Shuningdek, mahalladagi mavjud muammolar joyiga chiqib o‘rganildi. Aniqlangan kamchiliklar yuzasidan deputatlik nazorati o‘rnatilib, mas’ul tashkilot rahbarlariga deputatlik so‘rovlari yuborilishi belgilandi.

✅ Uchrashuv yakunida hududni yanada obod qilish, aholi turmush farovonligini oshirish hamda mavjud muammolarni tizimli ravishda hal etish bo‘yicha amaliy ishlar davom ettirilishi ta’kidlandi.