Xalq deputatlari Olmazor tumani Kengashi raisi Shaxnoza Umarxodjayeva, kotibiyat mudiri Davronbek Raxmatullayev va kotibiyat xodimlari tomonidan deputatlik o‘rni bo‘sh qolgan "Yangi Toshkent" mahallalasida fuqarolardan kelib tushgan murojaatlarni o'rganish va tahlil qilish ishlari amalga oshirildi. Ushbu o'rganish natijasida, bir qator masalalar yuzaga chiqqan bo'lib, ularga yechim topish uchun tegishli idoralar bilan hamkorlikda ish olib borish rejalashtirildi.

Xususan, Kengash raisi Sh.Umarxodjayeva va "Yangi Toshkent" mahalla yettlik vakillari MFY raisi Sh.Karabayev, yoshlar yetkachisi M.Abdullayev, ijtimoiy hodim D.Abduraximov hamda profilaktika inspektori B.Iskandarovlar bilan uchrashuv bo'lib o'tdi. Uchrashuv davomida, mahallalarda yuzaga kelgan asosiy masalalar, uyushmagan yoshlar muammolari va mavjud ijtimoiy obyektlar o'rganildi. Mahalla yettiligi va fuqarolar bilan yaqindan tanishish maqsadida o'tkazilgan yig'ilishda, ularning kundalik hayotida duch kelayotgan qiyinchiliklar va ehtiyojlar haqida batafsil ma'lumotlar taqdim etildi. Shu bilan birga, mavjud bo'sh ish o'rinlari va ularning samarali taqsimlanishi haqida ham tegishli tavsiyalar berildi.

Xalq vakillari kelgusida fuqarolarning barcha masalalarini tizimli ravishda tahlil qilish va har bir masalani to'liq hal qilish bo'yicha yondashuvni taklif etdi. Shu bilan birga, mahalla yettilik vakillari bilan yaqindan hamkorlikda ishlash, fuqarolarni qo'llab-quvvatlash va ularning huquq va manfaatlarini himoya qilishni davom ettirish zarurligi ta'kidlandi.