Pastdarg‘om tumanida hozirda bog‘cha yoshidagi bolalarning maktabgacha taʼlim tashkilotlariga qamrovi 77 foizni tashkil etadi va bunda oilaviy hamda xususiy bog‘chalarning ham o‘rni yuqori.

🏙Balxiyon mahallasidagi 2022-yildan buyon faoliyat olib borayotgan 100 o‘rinli "Rostok" nomli oilaviy nodavlat maktabgacha taʼlim tashkiloti ham bir necha yildirki, yosh avlod taʼlim tarbiyasiga o‘z hissasini qo‘shib kelmoqda.

Bolajonlar uchun qulay muhit yaratilgan bog‘chada mental arifmetika, xorijiy tillar o‘quv kurslari, jismoniy tarbiya, karate, badiiy gimnastika to‘garaklari va logoped xizmatlari ham mavjud.

Tuman hokimi Sh.Rahmonov hamda Xalq deputatlari tuman Kengashi kotibiyati mudiri F.Xolmuratova ushbu bog‘chada bo‘lib, bu yerdagi taʼlim-tarbiya jarayoni, yaratilgan sharoitlar, xonalar harorati va sanitariya holatini ko‘zdan kechirmoqda.