Bugun butun dunyoda ro‘y berayotgan ekologik hodisalar, turli ko‘rinishdagi ekologik muammolar
insoniyatni tabiat bilan hisoblashishga, unga ehtiyotkorona munosabatda
bo‘lishga undamoqda. 

Ekologiyaga oid global muammolardan O‘zbekiston ham chetda emas.  

Ekologik muammolar kundan-kunga jiddiy tus olayotgani ushbu yo‘nalishdagi
sa’y-harakatlarni birlashtirish va yanada jadallashtirishni taqozo etadi. Ayni
shu maqsadda bundan 5 yil muqaddam O‘zbekiston Ekologik partiyasi tashkil
etildi. Mamlakatimiz siyosiy maydonida yangi siyosiy kuch sifatida paydo
bo‘lgan mazkur partiya ona tabiatni muhofaza qilish, aholining ekologik
madaniyatini oshirish, kelajak avlodga yaxshi tabiiy sharoit qoldirish yo‘lida
keng ko‘lamli ishlarni amalga oshirib kelmoqda. 

O‘tgan qisqa davrda partiya mamlakatimiz siyosiy maydonida o‘z o‘rniga
ega bo‘lib, muhim siyosiy jarayonlarda faol ishtirok etdi. Yurtimizdagi
ekologik holatni yaxshilash, yashil hududlarni kengaytirish, yashil
iqtisodiyotga o‘tishni jadallashtirish orqali kelajak avlodga yaxshi tabiiy
muhit qoldirish maqsadida o‘z g‘oya va tashabbuslarini ilgari surmoqda, qator
loyihalarni amalga oshirmoqda. 

620 mingdan ortiq partiya a’zolari mamlakatimizdagi ekologik holatni
to‘g‘ri anglagan holda O‘zbekiston Ekologik partiyasining g‘oya va maqsadlarini
qo‘llab-quvvatlayotgani e’tiborga molik. 

O‘zbekiston Ekologik partiyasi kelgusi faoliyati davomida ham o‘z safini
kengaytirgan holda ekologik barqarorlikka erishish borasidagi
sa’y-harakatlarini, hayotiy loyihalarini izchillik bilan amalga oshirishidan,
yurtdoshlarimizning ekomadaniyatini yuksaltirishidan umidvormiz. 

Xurmatli O‘zbekiston Ekologik partiyasi Markaziy Kengashi Ijroiya
qo‘mitasi raisi Xamzayev Abdushukur Xudoyqulovich xamda ushbu partiya jamoasi,
Do‘stlik tuman Ekologik partiasi Kengashi raisi Raxmanov Azimjon Tursunovich
Sizlarni Xalq deputatlari Do‘stlik tuman Kengashi, tuman hokimligi va faollari
nomidan 5 yillik fidokorona faoliyatlaring bilan muborakbod e'tamiz.