Xalq deputatlari Chilonzor tumani Kengashi deputati Mutalov Omonulla Nigmatullayevich "Ko‘rkam" mahallasida o‘rganish olib bordi. Xalq deputatlari Chilonzor tumani Kengashi kotibiyati mudiri L.Murotova hamda bosh mutaxassisi H.Mirzayevalar deputatga amaliy yordam sifatida birga o'rganish olib borishdi.

Uchrashuv davomida Mahalliy Kengash deputati faoliyatining eng muhim 24 ta yo‘nalishi doirasidagi masalalar atroflicha muhokama qilinib, hududdagi jinoyatchilikka qarshi kurash holati, ayniqsa “qizil” va “sariq” toifaga kiruvchi hududlarda jinoyatchilikni oldini olish va bartaraf etish bo‘yicha amalga oshirilayotgan ishlar tahlil qilindi.

Shuningdek, mahalla ichki ko‘cha yo‘llarining holati hamda hududda joylashgan maktabgacha ta’lim tashkiloti faoliyati o‘rganilib, mavjud kamchiliklar yuzasidan tegishli mas’ullarga zarur ko‘rsatmalar berildi.

Mazkur o‘rganishlar O‘zbekiston Respublikasining “Mahalliy davlat hokimiyati to‘g‘risida”gi Qonuni, “Xalq deputatlari mahalliy Kengashlari deputatining maqomi to‘g‘risida”gi Qonuni hamda “Ichki ishlar organlari to‘g‘risida”gi Qonunining 13¹-moddasiga muvofiq, hududlarda jinoyatchilik holati yuzasidan mas’ul tashkilotlar faoliyati ustidan deputatlik nazoratini amalga oshirish doirasida olib borildi.

Aniqlangan muammolarni bartaraf etish yuzasidan mutasaddi tashkilotlar bilan hamkorlikda amaliy choralar ko‘rish belgilandi.