Oliy Majlis Qonunchilik Palatasi deputati R.Astanaqulova Termiz shahridagi 19-Davlat maktabgacha ta’lim muassasasida olib borilayotgan qurilish va ta’mirlash ishlarini joyida ko‘zdan kechirdi.
Ta’lim muassasasining eski binosi kapital ta’mirdan o‘tkazilayotgani bilan birga, 360 o‘rinli yangi zamonaviy bino ham barpo etilmoqda. Loyiha yakunlangach, Termiz shahri markazida 700 dan ortiq bolalar uchun qulay va zamonaviy ta’lim sharoitlari yaratiladi.
Deputat o‘rganish jarayonida pudratchi tashkilot vakillari va quruvchilar bilan muloqot olib borib, ishlarning sifatini va muddatida yakunlanishini muhokama qildi.