Ochiq muloqot orqali mahalliy muammolarga yechim izlash deputatning maqsadi.

2025-yil 15-oktyabrkuni Samarqand viloyati, 54-Urgut saylov okrugi bo‘yicha Xalq deputatlari Samarqand viloyat Kengashi deputati Nilufar Ja’farova o‘z saylovchilari oldida axborot yig‘ilishi o‘tkazdi. 

Ochiq uchrashuvlar – saylovchilar bilan bevosita muloqotga kirishish, deputatning hisobotini berish va jamoatchilik fikrini tinglash uchun mo‘ljallangan samarali platformadir. 

Bu uchrashuvda N.Ja’farova o‘z faoliyatidagi yutuqlar, amalga oshirgan loyihalar, ijtimoiy dasturlar va saylovchilar manfaatlarini himoya qilish bo‘yicha amalga oshirilgan chora-tadbirlar haqida so‘zlab o‘tdi. 

Yig‘ilishda deputat tomonidan amalga oshirilgan ishlar keng yoritildi. N.Ja’farova o‘z axborotida hududda olib borilgan loyihalar, ijtimoiy dasturlar va saylovchilarning manfaatlarini himoya qilish uchun ko‘rilgan chora-tadbirlarni alohida ta’kidladi. U bunday faoliyat davri mobaynida aholining turmush sifatini yaxshilashga yo‘naltirilgan tadbirlarda olingan natijalarni qisqacha yoritdi. Shuningdek, o‘z faoliyatining asosiy maqsadi – saylovchilar ehtiyojlarini qondirish, ularning fikr-mulohazalarini hisobga olish ekanligini aytib o‘tdi. 

Nilufar Ja’farovaning fikricha, saylovchilar bilan muntazam muloqot, ularning taklif va tashvishlarini tinglash – iqtisodiy va ijtimoiy sohalardagi muammolarni birgalikda hal etishning muhim omilidir.

Yig‘ilish davomida ishtirok etgan saylovchilar o‘z fikrlarini ochiq-oydin ifoda etdilar. Ular ko‘tarilgan masalalarni asosan infratuzilma, ta’lim, yo‘l harakati, suv va elektr tarmoqlari, sog‘liqni saqlash va ijtimoiy himoya sohalari tashkil etdi. Deputat ularga qisman berilgan javoblar orqali hal qilinishi mumkin bo‘lgan yo‘nalishlar, amalga oshirilayotgan ishlar va kelajakdagi rejalarga oid ma’lumotlarni taklif qilgan holda batafsil javob berdi. 

✅ @sam_vil_deputatlari